Tercer llargu dobláu por Gonzali Producciones.Gonzali Producciones estrenará la versión de El tercer home doblada a la llingua asturiana’l viniente 5 de febreru, sábadu, a partir de les 18:30 hores, nel salón d’actos del Centru de Cultura Antiguu Institutu de Xixón, allugáu na cai Xovellanos númberu 21.
El tercer home ta dirixíu por Carol Reed, escritu por Graham Greene y protagonizáu por Joseph Cotten, Trevor Howard, Alida Valli y Orson Welles. Nel so día recibió l’Óscar a la meyor fotografía en blanco y negro y ta considerada la meyor película británica de la hestoria.
Esti doblaxe ye’l terceru que fai Gonzali Producciones, tres de "Los viaxes de Gulliver" y "La nueche de los muertos vivientes".
Nel doblaxe asturianu participaron Antón Caamaño (Holly Martins), Mar Buelga (Anna Schmidt), Norberto Sánchez (Mayor Calloway), Jesús Parrado (Harry Lime), Eladio Sánchez (Doctor Winkel), Oscar Ybarra (Popescu), Fernando Marrot (Señor Crabbin), Alberto Álvarez Peña (Sarxentu Paine), Eduardo Zulaiba (Barón Kurtz) , Carlos Novoa (Narrador), Raúl Coballes, IG González , Hugo García, Carlos Rodriguez, Jéssica de la Paz y Bras Rodrigo. El direutor de doblaxe ye Illán Gonzali.
Fonte: Aruelu.com
dos entrugues,¿yá estrenaron doblada la de "La Nueche de los Muertos Vivientes"?. "Los Viaxes de Gulliver",¿ye esta nueva de va poco na que sal Jack Black como Gulliver?
ResponderEliminarNon, estos Viaxes de Gulliver son el clásicu d'animación de la Paramount.
ResponderEliminarPerbién.
ResponderEliminar