El voluntariáu llingüísticu ye una actividá empobinada a qu'aquelles persones que nun saben falar asturianu, o que nun tienen posibilidá d'emplegalu na so vida diaria "pola situación de marxinación y represión llingüística que carecemos n'Asturies" desplica l'asociación. Lo que pretende N'AST con esti voluntariáu ye qu'estes persones puean ponese en contautu con voluntarios "colos que falar n'asturianu, de tala miente que nunos casos deprendan la llingua de forma efeutiva, y n'otros casos, puean recuperar el vezu de falar n'asturianu". Los voluntarios destienen una hora a la selmana (demientres un mínimu de 10 selmanes) a charrar con persones que quieran deprender o prauticar l'asturianu con normalidá n'estremaos contestos sociales. Ser voluntariu requier un esfuerzu curiosu, darréu que supón invertir un númberu d'hores pa dar sofitu a una persona pa que deprenda asturianu. Amás el voluntariáu acarreta la participación nel entamu d'estremaes actividaes que pretenden dar a conocer aspeutos de la rialidá asturiana.
N'Ast abre la posibilidá de participación a toes aquelles presones que tean enfotu en participar, ensin denguna esixencia académica pa participar, namás la capacidá d'usar un asturianu correchu. En tou casu les persones que s'apunten asisten a un cursu de formación enantes d'entamar la so actividá, poniéndose-yos a la so dimposición materiales y recursos (guíes, vocabularios, páxines ueb, ect.) que resulten de gran utilidá.
Pa participar nesti proyeutu:
Fonte: Infoasturies
Ye una bona idega pa muncha xente y otru pasu más pa la vitalidá rial de la llingua, pero más que pasu paez un saltu p'allantre perimportante. Señor presidente de tolos asturianos y asturianes tamos ante una esixencia y un clamor n'Asturies: oficialidá yá.
ResponderEliminarMagnífica iniciativa.
ResponderEliminarEsta iniciativa va dellos años que ta en Cataluña y tien perbona acoyida.
ResponderEliminar