El Conceyu Universitariu pol Asturianu abre’l plazu p’apuntase al so I Cursu Básicu d’Asturianu del CUPA, una esperiencia formativa qu’entama en collaboración cola Academia de la Llingua Asturiana y Caxa Rural que va cellebrase nel conceyu de Xixón. El CUPA convida a los miembros de la comunidá universitaria y a tol públicu en xeneral a averase a la conocencia básica de la llingua asturiana al traviés d’esti cursu de 35 hores llectives.
El cursu, que se va facer na sé del Conseyu de la Mocedá de Xixón (Avda. Manuel Llaneza 68), va entamar en marzu y va cuntar con 35 hores llectives. L’horariu que se plantega, a falta de apautalo colos alumnos, ye los llunes y miércoles de 19 a 21 hores. El preciu de la inscripción ye de 25 euros, incluyendo los materiales necesarios pa llevar alantre’l cursu, como’l manual “Xeitu”, que va sirvir de guía pal cursu y qu’asoleyó l’Academia de la Llingua Asturiana.
Les inscripciones pueden facese nel corréu lletrónicu
conceyuasturianu@gmail.com
o nel teléfonu 615 982 816, hasta’l 27 de febreru de 2011.
conceyuasturianu@gmail.com
o nel teléfonu 615 982 816, hasta’l 27 de febreru de 2011.
Fonte: Infoasturies
Perbona oportunidá p'aprender bien la nuesa llingua, gracies a Llugás pola interesante información.
ResponderEliminar