Trátase d’un cursu d’aniciu a la llingua asturiana y otru d’afondamientu, de 30 hores caún, destinaos a tol mundu y de baldre. Éstos van entamar el llunes 28 de febreru y la inscripción pue facese fasta esi mesmu día.
El Conceyu de Llangréu pon en marcha estos cursos en collaboración cola Conseyería de Cultura y Turismu col oxetivu d’averar la conocencia de la llingua del país a tolos llangreanos. La Casa la Cultura de Sama ye’l centru onde van impartise les clases los llunes, martes y xueves n’horariu de 19 a 21 hores. Toles persones que completen el cursu van recibir un certificáu acreitativu. El plazu de matrícula pa los cursos yá ta abiertu y va pesllase cuando entame la primer clas.
La xente interesao nellos pue matriculase per delles víes, indicando siempre los datos personales: nome, NIF, señes y númberu de teléfonu. Asina, pue usase el corréu convencional unviando una carta al Centru de Referencia de la Cultura y la Llingua Asturiana ‘Casa de los Alberti’ (cai San Fernando, 33900, Ciañu); el teléfonu 984.282.925; el Fax 985.698.629; o’l corréu lletrónicu llingua@ayto-langreo.es.
Fonte: Asturies.com
Cursos dan en munchos llaos. Lo que fai falta ye que dean la OFICIALIDÁ.
ResponderEliminarTamién lo que fai falta son cursos pa toos y cuantos más meyor.
ResponderEliminarLa formación n'asturianu y del asturianu ye esencial en toles estayes y tolos seutores de la población.
ResponderEliminar