Imaxe de carretera autonómica cola toponimia oficial
Iniciativa pol Asturianu denunció güei que la Dirección Xeneral de Carreteres del Gobiernu d'Asturies ta acabante instalar nueves señales viales colos nomes de Lieres, Nava, L'Infiestu y Les Arriondes nel enllaz de l'autovía A-8. Según espliquen dende la organización "estes señales usen los topónimos yá derogaos "Infiesto" y "Arriondas", en cuenta de los únicos oficiales y d'obligáu usu pola alministración: L'Infiestu y Les Arriondes", lo que califiquen como "un nuevu ataque a la recuperación y normalización de la toponimia tradicional asturiana".
Dende Iniciativa pol Asturianu afirmen tar sorprendíos, pues esti usu incorrectu de la toponimia "llega dempués de que la Conseyera de Cultura reclamara al Ministeriu de Fomentu l'usu d'esta toponimia qu'agora vemos que nun cumple siempres el so propiu Gobiernu", anque reconocen que "nes carreteres nueves el Gobiernu d'Asturies vien cumpliendo col usu de la toponimia oficial", esti ye un exemplu de lo qu'Iniciativa pol Asturianu califica como "inalmisible pasu atrás".
Por ello solicitaron al traviés de carta a la Dirección Xeneral de Carreteres el cambiu inmediatu d'estes señales, "esperando que se trate namás d'un erru temporal", al mesmu tiempu que se-y solicitó, tamién vía postal, a los alcades de Piloña y Parres, Carmen Barrera y Marcos Gutiérrez Escandón "que reclamen dende les sos instituciones l'usu de los nomes de llugar que ficieron oficiales los propios plenos de dambos conceyos".
Fonte: Asturnews.
Adulces vanse consiguiéndo coses nesti sentíu pero con munchu esfuerzu y falta de una normalidá que yá paecía consiguía, hai que tar na fienda de continuu y ensin flaquear lo más mínimu.
ResponderEliminarLúltimu párrafu de la entrada tien la so enxundia y gran importancia polo que significa pal presente y pal futuru de la llingua asturiana.
ResponderEliminarAgora la Dirección Xeneral de Carreteres tien la última pallabra.
ResponderEliminarIniciativa pol Asturianu ta nel bon camín na idea de que les carreteres nueves nómense yá toes con los cartelos oficiales n'asturianu.
ResponderEliminarIniciativa pol Asturianu ta nel mesmu camín que la Xunta pola Defensa de la Llingua y tolos demás colectivos, asociaciones y academies: miagar, miagar y miagar. Pero les coses nun cambien por meter notes de protesta na prensa dixital del bable. Hai que FACER y dexar de LLORAMICAR. ¿Sabéis a lo que me refiero?
ResponderEliminarYe bien ciertu.
ResponderEliminarToo aída a tentar de camudar les coses nesti tiempu tan malu pal asturianu.
ResponderEliminarNon tamos, non cuntamos.
ResponderEliminarAmás de miagar hai que faer, y aquí nun faemos res, nun queremos arrieganos a nada más a que a discutinios de salón o de chigre y de blogs.
ResponderEliminar