El Serviciu de Normalización Llingüística de Corvera va entamar el seminariu Llingua y sociedá asturiana, que busca introducir a la xente inscrito na historia y socioloxía de la llingua asturiana y los sos falantes, centrándose en cuestiones históriques, sociolóxiques y socioculturales del idioma, mirando pa temes como la identidá, el poder social, los prexuicios, los derechos llingüísticos, los nuevos espacios d'usu de la llingua o la última lliteratura asturiana. El cursu, que ye de baldre, va facese dende'l 5 de payares al 19 d'avientu, tolos llunes y miércoles dende les 18 a les 20 hores y los interesaos puen inscribise dende nel Centru Sociocultural de Les Vegues.
Ente los conteníos, va tratase la formación histórica de la llingua asturiana; l'espaciu simbólicu, material y territorial: l'aproximación sociolóxica a la población asturianofalante: idioma y poder social; la toponimia: orixe y importancia; ciencia n'asturianu: l'ámbitu desconocíu; la llingua na rede: recursos, diversidá y posibilidaes; y, p'acabar, lliteratura escrita y oral: una puesta al día.
Fonte: Les Noticies
Bona noticia.
ResponderEliminarEl Serviciu de Normalización Llingüística de Corvera lleva tiempu trabayandu enforma y bien y hai que reconocer la so llabor en favor de la llingua y la cultura asturianes, que nun decaiga l'entusiasmu que munchos y munchas estimar no que vale.
ResponderEliminarO.K. Corvera
ResponderEliminar