La música asturiana va sonar esti mes de payares en Marruecos. El músicu Héctor Braga y el cantante de tonada, el Che de Cabaños, van protagonizar una xira conxunta pel país norafricanu con paraes en Fez, Casablanca o Marrakech.
Los Estudios Mundo Sonoro de Xixón entamen esti ciclu de conciertos baxo’l nome de ‘Estampa asturiana de folk’, que cuenta col sofitu del Ministeriu d’Educación, Cultura y Deporte, del Instituto Cervantes y de la cadena d’hoteles Barceló. La estancia de Braga y de José García González, más conocíu como’l Che de Cabaños, nel país norafricanu va allargase del 19 al 25 de payares, con actuaciones yá confirmaes en Fez (martes 20, a les 19 hores, nel Hotel Barceló Fez-Medina), en Casablanca (miércoles 21, a les 20 hores, nel Instituto Cervantes) y Marrakech (vienres 23, a les 20 hores, nun sitiu por determinar), a la espera de sumar feches nueves.
Na so xira per Marruecos, Braga va acompañar a la voz del Che de Cabaños col arpa, la gaita y la gaita rabil, anque tamién va interpretar dellos cantares. El repertoriu va tar centráu na canción tradicional asturiana.
Fonte: Asturies.com
Perguapu.
ResponderEliminarEsti par de grandes artistes, referentes del asturianismu agora mesmu, van llevar el canciu asturianu fuera de les nueses fronteres y la llingua a sonar en terrén marroquín lo que ye otru pasu alantre qu'oxalá nos lleve a la esperada oficialidá del asturianu.
ResponderEliminarSeguru que l'Instituto Cervantes va tar a españar.
ResponderEliminar