Esta fin de selmana la Fundación Belenos entama en La Puela d’Allande una nueva edición, la XIII, del so Seminariu d’Estudios Asturianos, que nesta ocasión va tar dedicáu al “Arte Popular na sociedá tradicional asturiana”. La xornada del sábadu 17 ábrese bien ceo, a les 10’30 h., cola presentación del seminariu. A les 11’00 h. entamen les conferencies con Gerardo Díaz Quirós (“Considerances sobre teoría y fenomenoloxía del Arte Popular”) y, dempués, Ástur Paredes (“Arte Popular y modernidá: el casu del horru asturianu”).p>
Tres la xinta, les charres vuelven de magar les 17’00 h. con Jesús González Calle (“Arte Popular de tradición barroca nos horros y paneres asturianos”) y Alberto Álvarez Peña (“Ornamentación y simbolismu nos preseos tradicionales asturianos: cuernes, gaxapos, marcos, rueques…”). La xornada pesllaráse, tres la cena, col tradicional filandón nel Café Centro, onde habrá música del país. El domingu 18 ta empobináu a visitar, de magar les 11’00 h., dellos llugares d’Allande con bonos conxuntos d’horros y paneres y a aldericar en conceyu abiertu al rodiu’l tema “Simbolismu y funcionalidá nel Arte Popular”. A les 14’30 h. tendrá llugar la xinta y el pieslle d’esti XIII Seminariu.
Fonte: Asturnews.
Les charres de Jesús González Calle y de Alberto Álvarez Peña compleméntense bien coles de Gerardo Díaz Quirós y Ástur Paredes, teoría y filosofíes y realidaes práctiques tanxibles asina nes temes trataes y col filandón con música del país y coles visites del domingu a los abondosos horros y paneres de la redolada, tou en sí bien interesante. Llarga vida al proyeutu y a esperar al próximu XIV Seminariu.
ResponderEliminar