L’escritor Milio Rodríguez Cueto consiguió la quinta edición del Premiu María Josefa Canellada de lliteratura infantil y xuvenil en llingua asturiana, otorgáu pola Conseyería d'Educación, Cultura y Deporte d’Asturies y dotáu con 4.000 euros, dempués de la baxa a menos de la metá nos presupuestos d’esti a ñu. El xuráu que concedió esti galardón tuvo presidíu pola directora xeneral de Política Llingüística, Ana María Fueyo.
El xuráu aconceyó esta selmana pasda na Casa Cultura María Josefa Canellada, en Santolaya, Cabranes, cola participación del alcalde de Cabranes, Alejandro Vega, y de los escritores y especialistes en lliteratura infantil y xuvenil Severino Antuña y Mariluz Pontón.
Cuntó amás cola participación d'Alonso Zamora Canellada, fíu de la escritora María Josefa Canellada, que da nome al gallardón.
Al premiu, dotáu con 4.000 euros, optaron en total seis trabayos. Ente les obres presentaes, el xuráu decidió por unanimidá conceder el premiu al testu "Carne de melandru", al valorar que se trata d'una novela de gran fondura narrativa y bien resuelta, que recupera la memoria hestórica d'una manera afayadiza a la edá a la que va empobinada y abre caminos nuevos na lliteratura xuvenil n'asturianu.
El testu presentóse embaxo’l nomatu Stephan Dedalus.
Milio Rodríguez Cueto, autor de noveles, rellatos y ensayos, ganó dellos premios lliterarios como'l Fuertes Acevedo d'ensayu (en 1992 y 1999) o'l Xuan María Acebal de Poesía. Tornó al asturianu a autores universales como Shakespeare, Stevenson, Oscar Wilde o Sade. Anguaño escribe nel blogue Escureceres.
Fonte: Asturnews.
Esti añu baxó'l presupuestu pero'l méritu ye entá mayor por eso mesmu.
ResponderEliminarPos sigo que tien méritu, sí, tantu l'autor como'l premiu mesmu en tiempos de crisis.
ResponderEliminarMiliu Rdguez Cueto ta na onda y ganar tou.
ResponderEliminarMiliu ye munchu Miliu, compañeru.
ResponderEliminarMerecíu.
ResponderEliminar