La campaña más internacional y más importante del Real Uviéu asturianízase ufriendo la información pa mercar aiciones n'asturianu. L'Uviéu ta faciendo tolo posible por llegar a los falantes de les más llingües posibles. Los aficionaos y aficionaes del equipu carbayón asturfalantes, o cualaquier persona que quixere collaborar, va poder informase y mercar aiciones na so llingua. La campaña ta superando toles previsiones y garró una dimensión planetaria.
La páxina de la campaña yosoyelrealoviedo.com , amás de n'asturianu, cunta con versiones en castellán, inglés, rusu, francés, árabe, chinu, portugues, italianu y alemán, pel momentu.
La situación del Uviéu y el puxu de l'afición por salvalu ta teniendo un fondu siguimientu mediáticu internacional y aficionaos de tol mundu tán, pasu ente pasu, superando toles previsiones y faciendo la SAD un pocu más de l'afición.
Les redes sociales como twitter col #SOSRealOviedo tán siendo perimportates nesti fenómenu de mases nel que se ta convirtiendo el SOS mandáu pol club asturianu al mundu futboleru. Un SOS, que ta teniendo una rempuesta impresionante qu'afita la importancia del Uviéu como un club hestóricu.
Fonte: Infoasturies
¡Probes! probitín Uviéu, y probinos los sos siguidores y aficionaos, que camina esconta la so desapaición pola tremenda mala xestión de los sos directivos mientres munchos años. Ye bien doliosu pero tamién ye verdaderamente lóxicu.
ResponderEliminarEl grave problema ye que'l Real Uviéu foi xestionáu mientres munchos años como un gran equipu "profesional" de Primera ensin selo y tando más qu'arruináu y asina hundióse entá más hasta'l fondu del pozu.
ResponderEliminarNun merecen nada. Lo meyor ye sumal club y fundar otru nuevu y cola esperiencia ¿adquirida? fundar otoru nuevu dende a lo fonderu con una bona cabeza y unos bonos directivos: R.I.P. al probe Real Uviéu pa siempres, la vida ye asina, carbayones.
ResponderEliminarDebería de ser antes l'ayuda económica a la llingua y la cultura (asturianes nesti casu) que'l negociu puru y duru (y políticu)del fútbol.
ResponderEliminarLo del Uviéu nun tien nome ni tien nada que ver cola cultura y la llingua asturiana, o casi nada.
ResponderEliminarLa política (los políticos) va salvar al Uviéu y si non, al tiempu.
ResponderEliminarTou va pol buen camín, paez.
ResponderEliminar¡¡¡SALVÓSE!!!
ResponderEliminarSí, salvóse a la fin ¡eureka!
ResponderEliminar