El Conceyu de Mieres, pente medies de la Casa de la Cultura “Teodoro Cuesta”, y col apoyu de la Conseyería de Cultura y Turismu d’Asturies, convoca la edición de 2012 del Premiu “Teodoro Cuesta” de Poesía, pal que puen presentase orixinales hasta’l 30 de payares. El Serviciu de Normalización Llingüística del Conceyu de Mieres punxo en conocimientu de los aspirantes al gallardón, que “tendrá estí añu una cuantía de 3.000 euros en vez de los 4.000 de convocatories anteriores”.
Nel prestixosu premiu puen toles persones que lo deseen con un poemariu inéditu, orixinal y escritu en llingua asturiana, entregando orixinal y cuatro copies. La entrega podrá facese per corréu certificáu o entregándolo en mano en: Casa de Cultura “Teodoro Cuesta”(secretaría). Manuel Llaneza 8, 33600, Mieres. Asturies.
Los poemarios han dir ensin firma, con alcuñu o lema y figurando’l so nome y les señes en sobre zarráu.
Concederáse un únicu premiu dotáu con 3.000 euros, contemplándose promover la so publicación. Sicasí, el xuráu podrá declarar desiertu’l premiu y el fallu va ser inapelable.
Pa más información pue acudise a la Casa de Cultura “Teodoro Cuesta” o llamar a los teléfonos 985 45 62 92 o 985 45 06 66, escribir a cultura@ayto-mieres.es ó llingua@ayto-mieres.es ó consultar la so web www.ayto-mieres.es/cultura
Fonte: Asturnews
Retayos y más retayos amiguinos, nun hai perres, les qu'había gastáronse bien alégremente va munchos meses y agora debemos hasta la camisa.
ResponderEliminarSí ye verdá, despilfarránronles ensin piedá nin cabeza los socialisitos qu'agora glayan ensin parar ¡¡¡retayos!!! al traviés de la fuelga xeneral y teníen que tar perbién callaos.
ResponderEliminarye una pena l'asuntu de los retayos tamién nel Premio Teodoro Cuesta, pero ¿hai otra solución?
ResponderEliminarNun hai problema pal casu los retayinos del premiu Teodoro Cuesta, home. Consultái a los ximielgos alvertíos esto ye a los líderes d'UXT y CCOO que vos van dar munches y variades soluciones a la tema económicu que son bien bonos espertos en remanar la pasta.
ResponderEliminarBien ciertu.
ResponderEliminarYe que son los ximielgos alvertíos -como diz Currás- del apocalipsis pecuniariu manganticiu, los que van sacanos del marasmu ya que son especialistes.
ResponderEliminar