L'asociación opónse al pieslle de los Servicios de Normalización y apuesta por una rede que llegue al 100% de la población asturiana.
La falta de compromisu de los conceyos y la inesistencia d’un conveniu cola Direición Xeneral de Política Llingüística, que dexa en situación de total indefensión a los trabayadores, llevó al pieslle de trés Servicios de Normalización Llingüística –Llaviana, Corvera y Mancomunidá Ozcos-Eo- a los qu’hai que sumar el casu del SNL peslláu n’agostu y a los continuos parones nestos servicios dende’l so nacimientu. Iniciativa pol Asturianu, oponse "al retrocesu que supón dexar ensin normalización a los conceyos nos que trabayen estos servicios y la consiguiente perda de puestos de trabayu que remanez d’ello".
Los Servicios de Normalización Llingüística (SNL) son los departamentos que desendolquen el trabayu téunicu de cara a avanzar nun consensuáu procesu de normalización del idioma, desplica l'asociación que lo considera un trabayu "necesariu, xustu ya illusionante" nun nivel de contautu más direutu cola ciudadanía.
"La Direición Xeneral de Política Llingüística tien la obligación y la responsabilidá de cumplir cola normalización llingüística, calteniendo estos servicios, afalando a los conceyos a la estabilidá de los mesmos y faciendo que la Rede llegue al 100% de la población asturiana, ampliando esta rede a los llugares a los qu’agora nun llega" consideren dende Iniciativa pol Asturianu, pidiendo, al igual que los trabayadores, "da-y personalidá xurídica propia a la Rede de Normalización Llingüística nos Conceyos, dalgo que facilitaría la coordinación y qu’anguaño esiste únicamente pola voluntá de los téunicos".
Fonte: Infoasturies
Oficialidá darréu, ye necesaria y perurxente pap'asturies y pa tolos asturianos y asturianes.
ResponderEliminar