Pablo R. Guardado
Gonzali Producciones xubió a la rede la versión asturiana del clásicu del cine soviéticu ‘L’acorazáu Potemkin’. Esta cinta ye una de les siete que la productora asturiana tien retulaes en llingua asturiana.
‘L’acorazáu Potemkin’, película muda rodada nel añu 1925 baxo la direición de Serguéi Eisenstein, ta considerada como una de les más importantes de la historia del cine. Cuenta la historia de los marineros d’esti acorazáu que formaba parte de la flota rusa del Mar Negru y que, nel 1905, llevantáronse escontra los sos oficiales poles condiciones infrahumanes nes que desarrollaben el so llabor. Esti fechu considérase un precedente de la revolución rusa del 1917 que finó col gobiernu del zar Nicolás II.
Tolos asturianos, gracies al trabayu de Gonzali Producciones, pueden disfrutar agora per Internet de la versión asturiana de la cinta d’Eisenstein, estrenada nel 2009 mientres la cellebración de L’Arribada. Otres películes mudes tornaes al asturianu por esta empresa son ‘Nosferatu’, ‘El gabinete del doctor Caligari’, ‘El Golem’, ‘Frankenstein’, ‘El mundu perdíu’ y ‘La pantasma de la ópera’.
Fonte: Asturies.com
¿cuála ye la páxina pa veles?
ResponderEliminarvimeo.com/34355118
ResponderEliminarQue te preste.
http://vimeo.com/gonzaliproducciones
ResponderEliminarLa pel·lícula és extraordinària i una lliçó de cinema. Però qualsevol similitud entre l'argument i la història és simple casualitat, eh?
ResponderEliminarEl David de Miquel Àngel també és una escultura meravellosa però a ningú no se li acut dir que el David jueu era així.
poles señes web
ResponderEliminarEn http://vimeo.com/gonzaliproducciones tan l'acorazáu... y Frankenstein, pero les otres non: Gabinete..., Nosferatu,Golem,...
ResponderEliminar