Campaña «Na igualdá nun quedes fuera xuegu» en L.lena

REDAICIÓN. UVIÉU -
La conceyalía de Cultura y Política Llingüística de L.lena presentó la campaña "Na igualdá nun quedes fuera xuegu". Esta iniciativa desenrollada pol Serviciu de Normalización Llingüística ye una de les campañes que col oxetivu de la tresversalidá y visibilidá de la llingua asturiana se faen nel conceyu. La campaña faise en collaboración cola Rede de Normalización Llingüística nos Conceyos, concretamente con Avilés, Mieres, Llaviana, Siero, Cangas del Narcea, Mancomunidá del Cabu Peñes y Samartín del Rei Aurelio, lo que va facer que la campaña tenga gran visibilidá en munches zones d’Asturies.

La campaña consiste na edición de 1.000 folletos y 2.000 pegatines coles que se busca la reflexón sobre la igualdá y el sexismu nos xuguetes. Pa ello, ofrezse un decálogu del xuguete nos sexista col que se quier reflexonar sobre los xuguetes que nestes feches lleguen a casa de les neñes y neños del conceyu. Evitar treslladar clixés sexistes nos xuguetes na busca d’una sociedá más igualitaria ye ún de los oxetivos de la campaña, como tamién recurrir a xuguetes educativos y que reflexen la diversidá social.

Dende’l Conceyu de L.lena, nun apueste claru pola igualdá de xéneru, al traviés de la llingua asturiana quier llegase a una sociedá más igualitaria na que xugando tamién se deprenda a vivir. La campaña va repartise nes escueles de L.lena, nes tiendes de ropa dedicaes a lo más pequeñino de casa, y nes dependencies del Conceyu.

Fonte: Les Noticies