La Universidá Popular de Xixón ufierta un añu más los sos cursos d'asturianu en dos niveles, básicu y mediu, siendo la duración total de dambos de trenta hores llectives.
Estos cursos van empobinaos a les persones que quieran averase al conocimientu del asturianu, tanto falao como escrito, pente medies d'exercicios gramaticales y d'espresión escrita. Asina mesmo van tratase conteníos venceyaos a la normalización y recuperación llingüística que ta llevándose a cabu dende los diferentes ámbitos: institucionales y sociales.
Dambos cursos van ser de trenta hores de duración n'horariu de 19.30 a 21.30 hores. La fecha d'aniciu ye'l 15 de febreru y tarán impartíos nel Centru de Cultura Antiguu Institutu.
Fonte: Asturies.com
Preséntase otra vegada la perbona oportunidá -hai qu'aprovechala- pa munches xentes de toles edades, n'especial pa los que nun pudimos o nun tuvimos la oportunidá d'estudialu nes escueles, pa ponese al di na fala y na escritura de la nuesa llingua asturiana ¡ánimu! y ¡alantre!
ResponderEliminar