Les valoraciones del Autu del Tribunal Consitutcional afitando la constitucionalidá de la llei d'Usu y qu'obliga a la alministración del Principáu a almitir escritos n'asturianu nun se ficieron esperar, aparte de la valoración de l'Academia de la Llingua, organizaciones polítiques como Andecha Astur, UNA o Xuventú Asturianista asoleyaron el so paecer coincidiendo en pidir la oficialidá de la Lllingua Asturiana pa la total reconocencia de los drechos llingüísticos y en cellebrar esti autu del TC.
Dende Andecha Astur sorrayen "como venimos sorrayando toos estos años", que Llei d'Usu "nun garantiza los drechos lligüísticos de los asturianos y caltién una situación predemocrática que namái se pue iguar cola oficialización de la Llingua Asturiana". Andecha felicita al ciudadanu asturianu "que puxó polos sos drechos y forzó que fuere posible esta resolución, que si bien refrenda una Llei que dende siempres refuguemos, polos motivos yá desplicaos, consideramos que como única base llegal de la llingua que ye, tien de cumplise y desendolcase dafechu"."Namái la oficialidá permite’l reconocimientu de los drechos llingüísticos de tolos asturianos y afitar la supervivencia del idioma. Poro, ensin oficialidá nun hai democracia" finquen dende Andecha.
Pela so parte, UNA considera que l'Autu del Tribunal Constitucional "constitúi un pasu nel reconocimientu de los drechos llingüísticos de tola ciudadanía asturiana, y nagua porque esti pronunciamientu suponga un cambéu nel tratamientu que, dende los poderes públicos, tán dando a la llingua asturiana y a los sos falantes". UNA llamenta qu'esti reconocimientu tenga de venir "dende fuera d'Asturies, lo que ye un nuevu síntoma del deficiente y noxante tratamientu que vien sufriendo la llingua asturiana per parte de los poderes públicos". La federación de partíos qu'axunta a IAS y AN, considera qu'esti autu "ye una preba más de la necesidá d'una reconocencia oficial de la llingua asturiana nel Estatutu d'Autonomía, dándo-y asina l'únicu estatus xurídicu que merez".
Xuventú Asturianista, les mocedaes del Partíu Asturianista, cellebró que’l TC "faiga cumplir la Llei d’Usu del Asturianu, impulsada pol PAS en 1998" y recuerda que la Llei lleva 12 años aprebada y que foi “pisotiada pol PSOE y nenguneada por IU-BA-LV” Xuventú Asturianista cree que “ye un avance dempués de munchos años de reivindicación llingüística y qu’esto ocurre dellos años dempués de l’aprebación la única base llegal de la llingua asturiana, la Llei d’Usu y Promoción”, que recuerden “consiguióse gracies al alcuerdu del PAS col entós presidente d’Asturies, Sergio Marqués”. La mocedá del PAS felicita al ciudadanu afectáu porque’l TC-y diera la razón, y esperen "que sirva esta decisión p’algamar l’estatus xurídicu que requier la llingua asturiana: la oficialidá".
Fonte: Infoasturies
Dende Andecha Astur sorrayen "como venimos sorrayando toos estos años", que Llei d'Usu "nun garantiza los drechos lligüísticos de los asturianos y caltién una situación predemocrática que namái se pue iguar cola oficialización de la Llingua Asturiana". Andecha felicita al ciudadanu asturianu "que puxó polos sos drechos y forzó que fuere posible esta resolución, que si bien refrenda una Llei que dende siempres refuguemos, polos motivos yá desplicaos, consideramos que como única base llegal de la llingua que ye, tien de cumplise y desendolcase dafechu"."Namái la oficialidá permite’l reconocimientu de los drechos llingüísticos de tolos asturianos y afitar la supervivencia del idioma. Poro, ensin oficialidá nun hai democracia" finquen dende Andecha.
Pela so parte, UNA considera que l'Autu del Tribunal Constitucional "constitúi un pasu nel reconocimientu de los drechos llingüísticos de tola ciudadanía asturiana, y nagua porque esti pronunciamientu suponga un cambéu nel tratamientu que, dende los poderes públicos, tán dando a la llingua asturiana y a los sos falantes". UNA llamenta qu'esti reconocimientu tenga de venir "dende fuera d'Asturies, lo que ye un nuevu síntoma del deficiente y noxante tratamientu que vien sufriendo la llingua asturiana per parte de los poderes públicos". La federación de partíos qu'axunta a IAS y AN, considera qu'esti autu "ye una preba más de la necesidá d'una reconocencia oficial de la llingua asturiana nel Estatutu d'Autonomía, dándo-y asina l'únicu estatus xurídicu que merez".
Xuventú Asturianista, les mocedaes del Partíu Asturianista, cellebró que’l TC "faiga cumplir la Llei d’Usu del Asturianu, impulsada pol PAS en 1998" y recuerda que la Llei lleva 12 años aprebada y que foi “pisotiada pol PSOE y nenguneada por IU-BA-LV” Xuventú Asturianista cree que “ye un avance dempués de munchos años de reivindicación llingüística y qu’esto ocurre dellos años dempués de l’aprebación la única base llegal de la llingua asturiana, la Llei d’Usu y Promoción”, que recuerden “consiguióse gracies al alcuerdu del PAS col entós presidente d’Asturies, Sergio Marqués”. La mocedá del PAS felicita al ciudadanu afectáu porque’l TC-y diera la razón, y esperen "que sirva esta decisión p’algamar l’estatus xurídicu que requier la llingua asturiana: la oficialidá".
Fonte: Infoasturies
Con suerte toes estes peticiones tras les valoraciones del Autu del Tribunal Constitucional -¿pue ser que'l Estatutu seya inconstitucional?- puen camudar y abrir les puertes del camín pa conseguir la oficialidá de la llingua, a pesar de la terca y cerril oposición que presenten Psoe e IXunía como mayoría que son nel parlamentu asturiano. Tien que abrir los güeyos y los oídos al clamor de les xentes que yos votaron nel so di porque les ellecciones ya tán más cerca y...
ResponderEliminar