2/3/10

Xixón entama a ufrir formularios normalizaos n'asturianu


Dempués del conflictu vivíu en Xixón pola marxinación d’un ciudadanu que tentó usar l’asturianu nuna oficina municipal, l’Ayuntamientu entama a cumplir les midíes previstes nel Plan de Normalización aprebáu en 2009, no que cinca a la posibilidá de facer les xestiones alministratives n’asturianu. Una posibilidá pa la que ye imprescindible que la insititución ufra modelos normalizaos na so versión n’asturianu y qu’agora entama a facese realidá colos primeros once trámites disponibles na rede.

La páxina web del Ayuntamientu de Xixón ufre yá los formularios pa solicitar casorios nel Ayuntamientu, entamu xeneral, instancia, recursu, inscripción nel rexistru de pareyes de fechu, presentación de quexes y suxerencies, solicitú d'emplegu, ficheru d'acreedores, ficheru de deldores y solicitú de la tarxeta ciudadana. Los formularios lletrónicos nun puen, sicasí, rellenase colos meses n’asturianu, un fallu téunicu que de xuru podrá solucionase

La Oficina Municipal de la Llingua foi la encargada de facer les traducciones de los documentos, que se sumen a otres iniciatives entamaes pa la normalización del asturianu, como l’apaición del topónimu Xixón nes equipaciones ya instalaciones d’equipos deportivos del conceyu o les actividaes entamaes pa la mocedá dende la citada oficina.

Fonte: Asturnews

2 comentarios:

  1. Ye'l camín pala normalización de la llingua. Agora bien otra vegada más ¿onde tá'l gobiernu del Principau d'Asturies y el so presidente n'esta historia que nun se manifiestan pa na, que tán como dormíos, o meyor como escaecíos? Amiguinos asturianos y asturianas, les ellecciones tán ya más próximes, nun votéis a quienes non quier saber na con l'asturianu y la oficialidá. A camudar d'aires toquen, que ya ta bien d'abusar del poder.

    ResponderEliminar
  2. Correutu y perfeutu devenir del famosu asuntu del ciudadanu que tentó usar l'asturianu nuna oficina municipal de Xixón. Felicidaes a quienes corresponda n'aplicación de les midíes previstes nel Plan de Normailización de la llingua aprebáu en 2009. Bien pol Ayuntamientu de Xixón.

    ResponderEliminar

Los comentarios tán pendientes de moderación. Espublizaránse lo primero dable.