8/3/10

Dixebra pide la oficialidá nos Premios de la Música.






Dixebra pide la oficialidá na gala d'entrega de los Premios de la Música
Marzu 5, 2010 por E.P. / Redacción
Dixebra reclamó ayeri la oficialidá y el fin del apartheid llingüísticu na gala de los Premios de la Música, na que'l conxuntu recibió'l galardón pol tema 'Cantar de la Redención'.
Tres recoyer el premiu nel Teatru Calderón de Madrid de la mano de la cantante de copla Diana Navarro, el vocalista del grupu, Xune Elipe, tomó la palabra n'asturianu pa dedicalo a tola xente que fala n'esti idioma y "a tolos militantes qu'algún día van facer que los nuesos drechos se reconozan". Asina, reclamó a los "responables políticos" el fin del "apartheid llingüísticu", y culpólos de "la llaceria" que tán faciendo n'Asturies nesta materia. El cantante acabó la so intervención con un 'L'Asturianu Llingua Oficial' Foi, según esplicaba güei Xune Elipe güei en declaraciones a Europa Press, el momentu más reivindicativu de la gala, xunto cola intervención de Ruper Ordorika, premiáu pol meyor cantar en vascu, que también se dirixó al públicu na so llingua materna, y la del Carlos Bau, galardó al meyor cantar en gallegu, que dixo "tar arguyosu de ser gallegu nel únicu sen de la palabra". Ta previsto que la gala se tresmita, de primeres íntegramente, esta nueche de magar les 22.00 hores na segunda cadena de Televisión Española. Elipe mostró'l so deséu de que nun se corte la so proclama reivindicativa nesta emisión. Nel bloque 'made in Spain' Los premios a los meyores cantares en llingües autóctones (asturianu, eusquera, gallegu y catalán -esti últimu correspondió a Quimi Portet-) entregáronse dientro d'un bloque denomáu 'Made in Spain'.


Fonte:asturies.com

2 comentarios:

  1. Hailos llistos, socios llistos:

    http://www.youtube.com/watch?v=VbVMMh-Acss

    ResponderEliminar
  2. Ta nuechi toos y toes na TV2. Milenta felicitaciones a Dixebra pol so tema "Cantar de la Redención" y el so destacao manifiestu públicu de la oficialidá de la llingua.

    ResponderEliminar

Los comentarios tán pendientes de moderación. Espublizaránse lo primero dable.