El Club Xeitu convoca’l segundu Certame Lliterariu en Pal.luezu Guzmán Álvarez, col que se tentará de revitalizar la llingua vernácula de la montaña occidental lleonesa. El certame, abiertu a cualesquier interesáu en participar, tendrá una modalidá de poesía y una de prosa.
Les obres podrán presentase enantes del 15 de mayu, momentu nel cualu sedrán evaluaes por un xuráu, que presidirá Roberto González-Quevedo, escritor y secretariu de l’Academia de la Llingua Asturiana. El fallu fadráse públicu’l día 1 de xunetu y la entrega premios tendrá llugar el prósimu branu, demientres la cellebración del “Recital de Patsuezu” que s’organizará, por tercer añu consecutivu, na Casona de San Miguel. Les obres premiaes espublizaránse nel boletín del club.
Esti certame lleva’l nome del filólogu babianu Guzmán Álvarez, ún de los primeros investigadores del pal.luezu.
Fonte: Diario de León
No hay comentarios:
Publicar un comentario
Los comentarios tán pendientes de moderación. Espublizaránse lo primero dable.