Xuristes pol Asturianu acusa de discriminación llingüística al Conceyu de Llanera y pide que tramite la solicitú de Fai!.
L'Aconceyamientu de Xuristes pol Asturianu acusó al Conceyu de Llanera de discriminación llingüística al nun aceutar la conceyala de Cultura la presentación d'un escritu de l'asociación xuvenil FAI! por tar n'asturianu, y desixó la tramitación del mesmu al alcalde. El coleutivu pidiere la utilización de la Casa de la Cultura pa celebrar un actu públicu mañana sábadu, día 13 de febreru.
El retruque dau per carta dicía que "dichu escritu debe presentase en castellán", con "escesos tipográficos" sorrayando la palabra castellán, según Xuristes.
"La Conceyala de Cultura y Muyer, Belén Rodríguez López, que ye quien robla esta ayalga, entendió, de la cabeza al rau, lo que se-y encamentaba polo que la esixencia de presentación del escritu en castellán ye, de mano, un actu cerriscu, intolerable nun cargu públicu d'una Alministración democrática", manifiesta'l colectivu xurídicu.
Asina, l'Aconceyamientu recordó'l "el drechu a nun ser discrimináu per razón de la llingua, proclamáu nos artículos 2 de la Declaración Universal de los Derechos Humanos y 14 de la Constitución española, porque la Conceyala entendió dafecho lo que se-y pidía, lo qu'acreita la rempuesta que dio, polo qu'ésta, nos sos términos, nun pue tener otru oxetivu que la discriminación llingüística".
Defendió también los drechos fixaos al emplegu na vida pública de la llingua rexonal y el dirixise n'asturianu a l'Alministración, recoyíos na Carta Europea de les Llingües Rexonales o Minoritaries y na Llei d'Usu y Promoción del bable/asturianu.
Poro, Xuristes pol Asturianu pidió al alcalde, "ordenar darréu'l trámite y resolución del pidimientu" y "retirar la delegación de competencies a quien nun sabe facer un emplegu axustáu a drechu, tolerante y democráticu de les mesmes".
Fonte: Europa Press
Fonte: Europa Press
Güeyu al asuntu: paezme que Fai y Xuristes pol Asturianu equivóquense de destinatariu d'esta batalla. No ye l'asuntu nun ye escontra'l conceyu de Llanera que tien obedecer taxantemente y escrupulosamente les órdenes d'arriba, non. El destinatariu -y auténticu cabeza del problema- ye'l nueso gobiernu asturianu o seya el nueso xefe don Tini y les sos adláteres como sonrientes aplaudidores que tan al so rodiu. Al césar lo que ye del césar. El problema xira al rodiu d'una sola pallabra o conceutu: OFICIALIDÁ.
ResponderEliminarFai y Xuristes faen xestos como esti pa promocionar l'asturianu, son xestos de llucha perinteresantes. Pallantre.
ResponderEliminarLes coses nel so puntu compañeru:la conceyala nun fai discriminación, nun fai despreciu dengún al asturianu, nun ye actu cerriscu, el so puestu políticu oblígala a cumplir y a facer cumplir la lley esistente. Ye que non esiste la oficialidad que toos y toes queremos y d'esiximos. A quien corresponde llexislar ye al gobiernu asturianu llegalmente elexíu nes urnes, al so xefe de files y al equipo que lu sostién nel so puestu que nun quier la oficialidá de la llingua, y a IX que lu sostién faciendo d'algún amago escasu y a destiempu: Oficialidá ya.
ResponderEliminarPos LLanera foi de los conceyos qu'ente 1997 y 1998 declararon la oficialidá del asturianu. Toes elles depués impugnaes pol delegáu del gobiernu d'aquella ya lluegu torgaes pol Tribunal Cimeru Xusticia d'Asturies.
ResponderEliminarPor ciertu, nuna entrevista d'entós al alcalde LLanera,a la pregunta de que-y paecía a él la oficialidá del asturinau nel so conceyu, retrucó:"¿y cual d'ellos va ser l'oficial?.Otru que nun atalantaba lo que ye la normativización.Paez qu'hai(había dellos asturianos pa esbillar)....
Puxa y puxa que l'asturianu lo merez, fuercia, xestos continuaos, y pallantre cola llingua pa facela oficial.
ResponderEliminar