El 6u Festival de Cine Asturianu entamará güei en Xixón cola presentación de los nominaos a los Premios a partir de les 19h nel Salón d'Actos de la Biblioteca Xovellanos.El martes y el miércoles siguientes sedrá'l Teatru Filarmónica d'Uviéu el sitiu afayadizu qu'allugará les proyeiciones y la Gala de Pieslle cola entrega de Premios y l'homenaxe al actor uvieín Juan José Otegui, gala na qu'actuará el Ballet Baidán y el gran artista DiCarlo, nuna ceremonia d'entrega de Premios a la que tán convidaos tolos amantes del cine asturianu y onde habrá tamién otres sospreses.
L'actor Juan José Otegui recibirá'l Premiu d'Honor nel escenariu del Filarmónica nel 6u Festival de Cine Asturianu el prósimu 24 de febreru demientres la Gala de Pieslle del Festival, onde anunciará la so retirada de los escenarios, llueu d'una llarguísima y destacada carrera como actor.
El Festival de Cine Asturianu entamará'l llunes 22 cola presentación en Xixón de los nominaos. A les 7,30 proyectaráse una de les mítiques películes mudes del cine asturianu, Mieres del Camín (Juan Díaz Quesada, 1927). Y a les 8 la tarde tendrá llugar la presentación del llibru Historia del Cine Asturianu, de Xaviel Vilareyo, nel mesmu llugar onde se proyeutó cine per primer vegada en Xixón nel añu 1896, nel llugar onde antaño s'allugó'l vieyu Teatru Xovellanos, que güei ocupa la Biblioteca Pública Xovellanos.
Fonte: Infoasturies
Encomiable trabayaor infatigable y entusiasta de too lo asturianu Xaviel Vilareyo, gracies poles tos desinteresaes aportaciones culturales.
ResponderEliminar