La Conseyería de Cultura robló un alcuerdu cola Fundación Liet International pa qu’Asturies acueya’l Festival Européu de la Canción en Llingües Minoritaries del añu 2012. D’esta forma, el nuesu país va albergar per primer vegada esti festival qu’esti añu va tener como sé Inverness (Escocia). El grupu de folk-lletrónicu Xera va ser el representante asturianu na edición del 2010 col tema ‘Tierra’.
Dixebra foi’l primer grupu en participar nesti festival que vien a ser un ‘Eurovisión’, con artistes de calidá y non productos prefabricaos, nel que tienen cabida les llingües minoritaries d’Europa, como’l frisón, el corsu, el bretón o el gallegu, ente otres munches. L’añu pasáu instauróse que’l ganador del Premiu al Meyor Cantar n’Asturianu fuera’l representante del país nesti festival, lo que permitió a Alfredo González defender en Leeuwarden (Frisia) el so tema ‘La nada y tu’.
Fonte: Infoasturies
Ye un paso más en pro de la oficialidá de la llingua. Agora el Gobiernu d'Asturias tien que facer movimientu pol asturianu y Asturies en xeneral ya que tien la ficha nel so aleru.
ResponderEliminar