La plana mayor d'IX asturiana
| La Área Federal d'Educación d'esta formación considera “un pequenu pasu, pero una meyora importante” la recién sentencia que refuga l'ampliación de les hores de l'asignatura de Relixón como esixe la xerarquía de la Ilesia católica. Izquierda Xunida, al traviés de la so Área Federal d'Educación, reclama que la enseñanza de la relixón quede fuera del currículu escolar, que sala del horariu llectivu, desapaezan los actos y la simboloxía relixosa de los centros escolares y de los espacios públicos educativos, amás de la eliminación de cualesquier procedimientu alministrativu qu'obligue a manifestar les creencies o non creencies, en cumplimientu del artículu 16 de la Constitución. IX repite la necesidá de la derogación del concordatu ente l'Estáu español y el vaticanu, y con cualesquier otra confesión que prime alcuerdos d'estes característiques. Izquierda Xunida felicítase y considera “un pequenu pasu, pero una meyora importante” el respaldu llegal collecháu pol amenorgamientu al mínimu llegal dexáu de les hores d'enseñanza relixosa aplicáu pol Gobiernu d'Asturies. Esta decisión foi respondida por pol Tribunal Cimeru de Xusticia d'Asturies (TSXA), que refugó'l contenciosu del Arzobispáu d'Uviéu nel que pidía suspender el decretu del Executivu asturianu que regula'l currículu de Bachilleratu. Nuna nota de prensa asoleyada esti vienres, Izquierda Xunida diz que "la xerarquía de la Ilesia católica nesta comunidá quéxase de qu'en Secundaria se discriminaba l'asignatura de Relixón con un horariu mínimu en rellación col restu de materies, amás de considerar qu'en 1º de Bachilleratu se imposibilita la so “llibre eleición” y qu'en 2º nin siquiera va ufiértase. La Conseyería d'Educación asturiana defende que concedió a esta asignatura'l mínimu dexáu pola LOMCE. Ello ye que en Ceuta y Melilla, territorios nos que la educación depende direutamente del ministeriu, la carga horaria de Relixón ye inclusive menor". Izquierda Xunida aboga por derogar la LOMCE impuesta pol Gobiernu del PP nesta llexislatura y garantizar “una educación llaica que respete la llibertá de conciencia, eduque ensin dogmes y esanicie del currículu escolar toa forma d'adoctrinamientu”. Fonte: Asturnews |
Bona plana mayor la d'IXunía na semeya, sí que ye bien perbona. Nun son n'absolutu nada creíbles porque como faigan (que lo van a faer de la mesma porque ye'l so estilu: la mentira a conveniencia del momentu y según convenga) lo mesmo que cola oficialidá de la llingua asturiana nel pacto d'investidura (n'especial Llamazares) van llucise.
ResponderEliminarFálta-yos y n'asturianu. Igual quedó fuera'l pautu colos sociates, como la oficialidá.
ResponderEliminar"y n'asturianu". Que nun escaezan esi puntu tan importante nel programa.
ResponderEliminarYe que los hai con vocaciónde capo menor nun partíu menor y veníu toos a menos en palabra y obres.
ResponderEliminarEls ha faltat declarar que estan a favor de l'oficialitat del palestí a Palestina, el tibetà al Tibet, el flamenc a Flandes i el gal·lès a Gal·les.
ResponderEliminarja, ja, ja, bien ciertu.
ResponderEliminarAsina ye, David.
ResponderEliminarEsti Gasparcito (el menor del grupu) ye un casu dignu d'estudiu.
ResponderEliminarAgora IX quier iguar la falta d'oficialidá con una Viceconseyería de Política Llingüística. Como si fora lo mesmo...
ResponderEliminarLlamazares ye mundial.
ResponderEliminarLo que ye un vivales. Nunca trabayó na so vida y siempres vivió a mariña del contribuyente, solo fixo política: un vivales, dígotelo yo, Xurde.
ResponderEliminar