Principió a trabayar nel añu 1985, o seya que cumple agora la “provecta” edá de 30 añinos. ¡Paez que fue ayeri! Ensin embargu, estos treinta años nun fueron fáciles pa los amigos qu’aniciaron y los que tomaron el relevu d’esta emblemática emisora, siempres cola enemiga de los poderes políticos, económicos y sociales, si ye que nun son toos los mesmos. Y como p’amuesa abasta un botón, que se diz, enfréntese agora a un “Expediente sancionador”, per parte de la Conseyería d’Economía y Empléu del Principáu d’Asturies: o seya, los que teníen que defendelos. Un espediente que pue llegar a algamar una multa d’hasta 200.000 euros y la posibilidá de que zarren la emisora. Una barbaridá.
Y ye qu’esto vien, amás, dientro una campaña d’ataque frontal escontra otres emisores asturianes llibres y comunitaries. Desplícalo mui bien Patricia Simón en Periodismo Humano onde esmenuza estos ataques a Radio Nava, Radio Ujo, Radio Ok y la mentada Radio Kras. Asina, mientres nel restu l’Estáu Español más de 150 radios comunitaries siguen trasmitiendo ensin dificultaes, equí paez que la Jefatura de Telecomunicaciones de Asturias ta decidía a acabar coles nuestres, afogando’l Derechu Fundamental a la comunicación y a la llibertá d’espresión, tal y como asocedió cola fenecida Radio Sele, emisora que tresmitía dafechamente n’asturianu.
Na páxina web de Radio Kras hai un Manifiesto de apoyo a las Radios Libres asturianas, que nun taría de más lleer, firmar y sopelexar en tolos medios que pudiéremos pa que se sepa la inxustica que ta perpetrándose, y pa que’l nuevu gobiernu “d’izquierdes” ponga fin a la mésma. ¡Ah!, por cierto, esi manifiestu en sofitu de Radio Kras ta firmáu, ente otros munchos, por Izquierda Xunida, esos qu’acaben de facer Presidente a Javierín el del PSOE. Son los que quieren, como diz el refrán asturianu, “tocar y andar na procesión”. Pero eso, como sabemos, sólo lo pue facer “el gaiteru”.
Fonte: Asturies.com/Trabayu De Campu.Vicente García Oliva
Fonte: Asturies.com/Trabayu De Campu.Vicente García Oliva
Otra mentira y falsedá bien gorda ya in fraganti de I,Xunía:
ResponderEliminarEsi manifiestu en sofitu de Radio Kras ta firmáu, ente otros munchos, por Izquierda Xunida, esos qu’acaben de facer Presidente a Javierín el del PSOE. Son los que quieren, como diz el refrán asturianu, “tocar y andar na procesión”. Pero eso, como sabemos, sólo lo pue facer “el gaiteru”.
Pa IX, la falacia ye gratis pero pasa factura.
ResponderEliminarEl manifest no costava gens escriure'l en asturià. O en doble versió, si ho preferiu.
ResponderEliminarPoso sí.
ResponderEliminarEso hubiese sido lo mínimo de lo mínimo.
ResponderEliminar