26/7/15

Crítiques a los retayos nes sovenciones


 

Iniciativa pol Asturianu vieno acabante llamentar, como ya ficiere la Xunta pola Defensa de la Llingua, la decisión de la Conseyería de Cultura de retayar nun 37% les ayudes pa la normalización de la llingua.

Les cifres recoyíes na cabera convocatoria de sovenciones a los medios de comunicación n'asturianu recueyen una mengua del 37% respectu al añu anterior y d'un 16,7% nel casu de les ayudes a la producción discográfica. Nos caberos dos años, el departamentu que dirixe Ana González, menguó nun 50% el presupuestu d'estes partíes.

Pa Inaciu Galán, presidente d'Iniciativa pol Asturianu, trátase d'un "fechu llamentable" qu'espeya "la falta de compromisu llingüísticu que yá se veía recoyíu nel pautu d'investidura". Critica que'l nuevu Executivu entame la llexislatura "queriendo acabar con tolos espacios de normalidá" y encamienta a la Conseyería a rectificar.

Fonte: Asturnews

2 comentarios:

  1. Si hai dineru pa festivales militaristes (festival aéreu de xixon) , pa la ilesia y pa los equipos de fútbol (recordemos que son s.a.d) tamién tien qu'habeles pa la cultura asturiana.

    ResponderEliminar

Los comentarios tán pendientes de moderación. Espublizaránse lo primero dable.