Les ayudes a empreses informatives pa la normalización del idioma pasen de 127.000 euros a 80.000. No que respeuta a la producción discográfica n’asturianu, el descensu ye del 16,7 por cientu.
Siguiendo la dinámica de los años últimos, la Conseyería d’Educación, Cultura y Deporte mete la tisoria nes ayudes al asturianu. Pendiente todavía de conocer les correspondientes a la producción editorial, que saldrán en díes próximos nel BOPA, tanto les subvenciones a medios de comunicación como a la producción discográfica descendió de manera significativa.
No que respeuta a empreses informatives, la cantidá presupuestada ye de 80.000 euros, 47.000 menos que l’añu pasáu, lo que supón una mengua del 37 por cientu. La reducción nes ayudes ye entá más significativa si comparamos los datos d’esti añu colos del 2013, cuando Cultura dedicó 168.000 euros a esti apartáu, esto ye, 88.000 euros más. Poro, el recorte n’ayudes a medios de comunición foi en dos años del 52,98 por cientu.
Tamién la metá de perres qu’hai dos años
La cantidá total d’ayudes pa la producción discográfica n’asturianu y gallego-asturianu ye de 20.000 euros polos 24.000 del añu anterior, lo que supón 4.000 euros menos, una mengua del 16,7 por cientu. Hai dos años, l’importe dedicáu a esti apartáu foi del doble qu’agora, 40.000 euros.
Fonte: Asturies.com
Paez talamente una estratexa gradual de desaniciu de los pocos medios de comunicación n'asturianu.
ResponderEliminarVaya gobiernu asturcida que careceremos otra llexislatura más.
ResponderEliminarAmiguín, ye lo qu'Asturies quier: Psoe + IXunía, más de lo mesmo. ¡Puxa Asturies!
ResponderEliminarEsta xente va acabar col asturianu.
ResponderEliminarPero col nuesu consentimientu porque muncho falar de la oficialidá pero equí nun se mueve nin D... pa nada.
ResponderEliminarLos "¿políticos?" que nos gobiernen n'Asturies, anque fueren votaos pola xente, solo entienden l'ecu y el ruiu de la cai, amigu Nano. Y no hay nada de eso, solo "llamentos" y gracies y asina nos lluz el pelo.
ResponderEliminarTotalment d'acord amb en Pando.
ResponderEliminarFuelga Ana, fuelga que te lo merecisti. Agora un bon puestín cómodu y ensin responsabilidá na alministración y equí paz y dempués gloria.
ResponderEliminarUn perbón puestín políticu ensin compromomisu nenguno (les puertes xiratories del agradecimientu poitiqueru/vergonzosu) pol psoe sí. Pero yá nun vuelve triar una aula nin de goña (que ye muncha responsabilidá y enforma trabayu) porque de desertores de la tiza ta Asturies enllena, por casu Ana la de la semeya.
ResponderEliminarSí que falen antes, agora y dempués de les puertes xiratories... ¡vergoña!
ResponderEliminarVamos ver la doña Anita a qué puestu perpbién remuneráu va agora; a les clases non.
Trancho, ye que les clases nel institutu nunca-y gustaron, nin siquier oyer falar d'elles, eso queda pa los humildes profesores de vocación y amás non políticos.
ResponderEliminar¡Adiós, marquesa, adiós!
ResponderEliminar¡Adiós, marquesa, adiós!
ResponderEliminar