13/7/15

La música asturiana tien un espaciu na 'Semana Negra' con Abondö

Programa musical na Semana Negra

  Esta zona dedicada a la gastronomía programa conciertos diarios a les 20.30 hores.
  La empresa Germán Vizcaíno entama esti espaciu "del bon comer y del bon beber" con casetes instalaes na zona de la 'Semana Negra' asitiada xunto a la entrada pel Acuariu. Los visitantes van poder prebar parrillaes, gochu asturcelta, tortos, boroña, quesos y empanaes, ente otros munchos productos, regaos con sidra, al mesmu tiempu que disfrutar de música del país. 
  Pa completar la ufierta, Abondö programa conciertos en direuto tolos díes a les 20.30 hores. Alienda va encargase esta tarde d'abrir esti ciclu nel que tamién van participar les Panderetes de Fitoria (mañana), Anabel Santiago (llunes), Bon Tastu (martes), Boréu (miércoles), Héctor Braga (xueves), Degañan's (vienres 17), Cantaruxare (sábadu 18) y Odón García, Nel Suárez y Pepín de Muñalén (domingu 19). Mentes, pa esti domingu ta previstu un festival de canción asturiana.                                                  Fonte: asturies.com

No hay comentarios:

Publicar un comentario

Los comentarios tán pendientes de moderación. Espublizaránse lo primero dable.