Actividá intensa nel Festival Arcu Atlánticu

Arcu Lliterariu presenta una programación amplia diaria pa estos díes.

Xixón ta estos díes recuperando la so mentalidá atlántica gracies al Festival Arcu Atlánticu, con munches actividaes a lo llargo del día, sobre manera nel entornu d'El Muelle. Ente elles destaca l'Arcu Lliterariu, entamáu pola Asociación Cultural L'Arribada, con múltiples eventos previstos nesta selmana, ente ellos la proyeición del llargumetraxe gallegu 'A esmorga' el miércoles (19 hores, Centru Municipal Integráu Pumarín-Xixón Sur).

Nesti enllaz pue consultar el programa completu del IV Festival Arcu Atlánticu, que va desendolcase hasta'l domingu.

Nesti otru, el d’Arcu Lliterariu.                                                                  Fonte: asturies.com