Reclamen que se cumpla la llei y s'aseguren los drechos del alumnáu.
Fonte: InfoasturiesComo yá ye vezu nos principios de cursu n'Asturies, l'incumplimientu de les lleis, los recortes y la privación del derechu a estudiar asturianu al alumnáu que lo solicita vuelven a marcar l'axenda nun sistema educativu que mantién en situación de marxinación y marxinalidá a la llingua asturiana.Si esta situación ye estensible a toles etapes educatives, hai que reconocer qu'una de les etapes onde la situación ye más llaceriosa ye nos dos años de Bachilleratu, onde'l porcentaxe del alumnáu que ye quién a facer valir los sos derechos y poder dar l'asignatura ye casi inesistente (poco más de 200 d'ente 10.000).Esta situación dexa bien claro la nula intención de la Conseyería d'aplicar l'espíritu de la Llei d'Usu. Resulta demoledor viniendo d'un equipu saliente que, nin siquiera nel principiu del so últimu cursu, tien el más mínimu xestu conciliador y positivu pa colos derechos de les persones que soliciten estudiar asturianu.Un bon númberu de persones, centros y asociaciones de padres y madres, dende Samartín del Rei Aurelio a Xixón y Mieres, tán faciendo llegar a la Xunta pola Defensa de la Llingua Asturiana denuncies d'estos impedimentos, ensin qu'hasta la fecha la Conseyería demostrara tar faciendo dalgo pa iguar esta situación.Por eso dende la XDLA reclamamos a la Conseyería d'Educación que tome les midíes necesaries pal cumplimientu de la llei y p'asegurar el derechu del alumnáu a recibir formación n'asturianu en tolos centros educativos y en tolos niveles.
La educación ye l'arma más poderosa que pues usar pa camudar el mundiu (Mandela)
ResponderEliminarYe bien ciertu, Xelu. La prueba: llavando'l celebru de los neños y la mocedá -y la sociedá catalana- con machacones mentires y reescribiendo ya reinventando la hestoria a la so conveniencia desobedeciendo en flagrante desacatamientu al Tribunal Constitucional mientres 40 años ...Cataluña. Depués sí que ye posible.
ResponderEliminarHome, el meu amic plurinònim habitual i transvestit.
ResponderEliminarQuè? El problema continua sent Catalunya, els catalans i el català, oi? Asturies, els asturians i l'asturià, gràcies a Déu, no teniu cap problema.
Yá sabemos la manera d'actuar que tien la Conseyería d'Educación asturiana en redol o respective de la llingua, con negación activa y pasiva. Non pueden esperase peres d'una llamera rancia.
ResponderEliminar