22/10/14

La propuesta de crear una partida nos Presupuestos pa l'Academia de la Llingua Asturiana volverá a discutise nel Congresu


   Iniciativa pol Asturianu propunxo en 2013 a los grupos políticos con representación asturiana nel Congresu la presentación d'una enmienda a los Presupuestos Xenerales pa que l'Academia de la Llingua Asturiana cuntara con una partida, como tienen la española, catalana, vasca y gallega. La propuesta cuntó colos votos favorables de tolos grupos, menos PP y UPyD, y por ello nun pudo aprobase. 
   Esti añu la organización torna a solicita-yos a los grupos nel Congresu la presentación d'una enmieda parcial a los Presupuestos Xenerales del Estáu que reclame una partida pa l'Academia de la Llingua Asturiana.
   Según Iniciativa pol Asturianu, a día de güei sabe qu'Izquierda Xunida tien presentada la propuesta y dende la organización tan trabayando pa consiguir el sofitu del restu de les fuercies polítiques, pa que, como l'añu pasáu, haya una importante mayoría a favor. Los diputaos represenantes d'Asturies nel Congresu formen parte del PP, PSOE, Izquierda Xunida y Foru Asturies, pero ensin el votu a favor del PP ye imposible sacar alantre esta propuesta. La formación esplicó l'añu pasáu que nun podíen crear partíes nueves, porque yera un presupuestu pa reducir.
   Dáu el cambiu de situación pa esti añu, la organización espera esti añu poder cuntar col votu favorable del PP.                          Fonte: asturies.com

6 comentarios:

  1. Da la impresión de que vamos progresando daqué.

    ResponderEliminar
  2. El viniente pasu ye aprebar la oficialidá na Xunta Xeneral.

    ResponderEliminar
  3. Ensin oficialidá nun hai nada que faer, con les buenes voluntaes namás nada ye posible.

    ResponderEliminar
  4. Nuna situación como la del asturianu, hai de tocar tolos palos pa dir p'alantre. Siguir caleyando anque seya con pasos curtios.

    ResponderEliminar
  5. La oficialidá ye una garantía escontra l'arbitrariedá del que tea nel poder nel momentu.

    ResponderEliminar

Los comentarios tán pendientes de moderación. Espublizaránse lo primero dable.