La estaya ‘Deprende asturianu’ de ‘Espaciu y Tiempu’, páxina d’Asturies.com dedicada a la llingua asturiana, incorpora una seición nueva de nome ‘Frases y refranes’. Cada selmana incorporaráse una entrada nesta leición de refuerzu del nuesu cursu en llinia d’asturianu.
Con ‘Cebada moyada cría muermu, nunca ñalga’ abrimos esta seición, na que toles selmanes los nuesos llectores van atopar un refrán nuevu. D’esta forma, Asturies.com refuercia la estaya ‘Deprende asturianu’, cola qu’asturianos y persones de fuera que quieran averáse a la llingua asturiana pueden tomar una primer toma de contautu col idioma y afitar los sos conocimientos previos.
Siguiendo’l nuesu enfotu de caltener un contautu cercanu colos nuesos usuarios al traviés del nuesu corréu electrónicu redaccion@asturies.com, Twitter o Facebook, les persones interesaes en collaborar nesta seición pueden unvianos refranes y frases que conozan que, darréu, incorporarémos a esta llista. Fonte: Asturies.com
Puede ser un xuegu cultural bien interesante,
ResponderEliminar