4/10/14

El documental "Se dice poeta" estrénase esti domingu nel Niemeyer

Proyeición y posterior alderique
Vanessa Gutiérrez,  nel Centru Niemeyer d'Avilés

      "Se dice poeta" fala d'educación,  de cuotes, de discriminación positiva, de feminismu y de llinguaxe. "Porque, como bien dicía Orwell, igual que'l pensamientu constrúi'l llinguaxe, el llinguaxe tamién puede construyir el pensamientu.  Y son les persones qu'escriben y trabayen col llinguaxe quien tienen una mayor responsabilidá a la hora atopar maneres más xustes y más llibres d'espresanos".
   Ye polo tanto un llargumetraxe documental qu'ellabora un  percorríu pol panorama poéticu contemporaneu plantegando entrugues alrodiu la visibilidá de les autores y cuáles son les causes d'esa mirada diferenciadora.
     Esta película ye una producción de SEÑOR  PARAGUAS, dirixida por  Sofía Castañón (Xixón, 1983). Cunta col sofitu de la Fundación Municipal de Cultura y UP de Xixón y del Institutu Asturianu de la Muyer.
     Ente les 21 poetes entrevistaes hai cuatro asturianes:  Vanessa Gutiérrez (Urbiés, 1980), Teresa SotO (Uviéu,  1982), Alba González  Sanz (Llanera, 1986), Laura Casielles  (Siero, 1986), asina como la editora, tamién asturiana, Silvia Cosío.
Sofía Castañón,  directora

     L'estrenu de Se dice poeta va tener llugar el domingu 5 d'ochobre a les 20.30h nel Cine del Centru Niemeyer d'Avilés, y va cuntar cola presencia de la poeta Vanessa Gutiérrez y la directora Sofía Castañón. Moderando'l coloquiu posterior va tar la periodista Sonia Ablanedo.                                                                                                             Fonte: Infoasturies.net

10 comentarios:

  1. Si ye un documental billingüe, nun sé por qué'l títulu nun ye "Dizse poeta". Yá valió de subordinar la llingua asturiana a la castellana.

    ResponderEliminar
  2. Va falase de cuotes , de feminismu, discriminación positiva, etc. Ye que les muyeres tien que recurrir a les cuotes y la discriminación positiva feminista, en llugar de la so valía intelectual y como persona? malu y feu asuntu.

    ResponderEliminar
  3. Equivócanse de mediu a mediu estes muyeres coles cotes impuestes pol sexu y non pola valía y el compromisu de les persones, ya sían homes o muyeres.
    Les feministes traten d'aprovechase d'esa mal nomada discriminación positiva escontra les muyeres y eso ta bien feu y ta bien mal.
    Toa discriminación ye espantible, y esta de la que pretender abusar socialmente les feministes -pol simple fechu de ser o nacer muyeres, valgan o nun valgan- tamién.

    ResponderEliminar
  4. Igualdá ye namás que igualdá en tolos sentíos, ebsín favoritismos nin pa los home ninpa les muyeres ¿aclaráu? IGUALDÁ, méritos y valía, namás y ensín discriminaciones.

    ResponderEliminar
  5. Les disicriminaciones enxamás fueron bones en enegún sentíu, nin positives nin negatives, nin pa les muyeres nin pa los homes. Más claru l'agua.

    ResponderEliminar
  6. La disicriminación positiva a favor de les muyeres non solo ye conveniente sinón que nestos momentos ye dafechu necesaria.

    ResponderEliminar
  7. Equivócaste de mediu a mediu, Beatriz porque ye contraproducente pa les muyeres, desprestíxiales abondo.

    ResponderEliminar
  8. Erru tres erru, les persones valen pola so capacidá y non pol so sexu. Les muyeres son les primeres que tendríen de sabelu bien pa dase a respetar nuna sociedá que dacuando peca precisamente de daqué machista.

    ResponderEliminar
  9. Dalgunos afítense solo del feminismu pepro nun s'afiten res na mesma xornada poética. Cosadielles que pasen...

    ResponderEliminar
  10. L'arte nun ta reñíu col sexu, home.

    ResponderEliminar

Los comentarios tán pendientes de moderación. Espublizaránse lo primero dable.