El CSOA La Madreña acueye esti miércoles una mesa redonda entamada pola XDLA.
La Xunta Pola Defensa de la Llingua Asturiana entama esti miércoles a les 19:00 nel CSOA La Madreña (Cai Xeneral Elorza 32, Uviéu) la mesa redonda entitulada "La tele que queremos". L'envís de la mesma sedrá afondar alrodiu'l papel d'un serviciu públicu de comunicación como normalizador del idioma, temática na que vien trabayando la XDLA na so reivindicación d'una RTPA n'asturianu dafechu.
Pa ello, amás de cola moderación de Carlos Pulgar (XDLA), va cuntase cola participación de Carlos Menéndez Otero (profesor de la Universidá d'Uviéu), Oscar Vega (miembru del Comité d'Empresa de la RTPA), Xosé Antón Fernández "Ambás" (músicu y presentador) y Damián Barreiro (periodista), conformando asina un alderique con visiones vinientes dende distintos puntos de vista venceyaos al mediu.
Fonte: Infoasturies
Bien interesante pola importancia de la tema a tratar.
ResponderEliminar