El Boletín Oficial del Principáu d'Asturies espublizó güei la determinación de les formes toponímiques correspondientes del conceyu d'Illas. Diches formes tienen la considerancia de denominaciones oficiales y pasen a sustituyir a les enantes vixentes.
La midida alcordada pol conseyu de Gobiernu la selmana pasada encuádrase na Llei del Principáu d'Asturies 1/98, de 23 de marzu, d'usu y promoción del bable asturianu, qu'establez que los topónimos d'Asturies van tener la denominación oficial na so forma tradicional. La citada llei atribúi al Conseyu de Gobiernu la competencia pa determinar los topónimos de la comunidá autónoma, ensin perxuiciu de les competencies municipal y estatal y conforme a los procedimientos que reglamentariamente determinar en desenvolvimientu de la Llei, previu dictame de la Xunta Asesora de Toponimia del Principáu.
El BOPA espubliza güei tamién les modificaciones de la toponimia del Conceyu de Carreño solicitaes pol plenu del municipiu y que fixen la denominación billingüe pa les localides de Quimarán y El Pieloro y la sustitución de El Riistru por El Riestru.
Fonte: Qué ye ho!
Ok.
ResponderEliminarA la fin dientro poco va tar oficializada la llingua en toa Asturies, conceyu a conceyu, y el gobiernu asturianu va tener que reconocer oficialmente l'asturianu a encomalo, por obligación y por vergoña.
ResponderEliminarEso ta perbién ¡alantre!
ResponderEliminarNel testu la entrada afita Illas y ye Bual.
ResponderEliminarYá.
ResponderEliminar