Va cuntar cola participación de más de 70 compañíes.
La víxesimo tercer edición de la Feria Europea d'Artes Escéniques pa Neños y Neñes de Xixón, FETEN va tener llugar del 16 al 21 de febreru cola participación de setenta compañíes procedentes de siete países que van ufiertar alredor de 150 representaciones ente les que caben destacar l'estrenu de siete espectáculo. Toos ellos empobinaos al públicu infantil y familiar.
La Feria Europea d'Artes Escéniques pa Neños y Neñes de Xixón, FETEN 2014, que va celebrar so ventiavu tercer edición ente los próximos díes 16 y 21 de febreru, va cuntar cola participación de setenta compañíes nacionales ya internacionales que van amosar na ciudá asturiana les sos últimes producciones escéniques, dirixíes a la infancia. Los distintos escenarios oficiales de la Feria van acoyer alredor de 150 representaciones de la mano de compañíes procedentes d'España, Arxentina, Bélxica, Francia, Bulgaria, Holanda ya Italia. Ente tolos trabayos, destaquen los siete estrenos absolutos que la organización incluyó na programación de la nueva edición.
Consolidáu como un alcuentru de referencia y de xunta pa los numberosos programadores, distribuidores y ceadores qu'alleguen a Xixón mientres estes feches, FETEN 2014 va sirvir a toos estos profesionales p'analizar los nuevos enclinos creativos y trabayar pa impulsar un mercáu cultural que fortaleza'l sector, frente a les dificultaes de sostenibilidá de les artes escéniques.
Amás de cuntar con una importante presencia internacional, la Feria Europea d'Artes Escéniques pa Neños y Neñes escoyó los espectáculos de compañíes procedentes de 15 comunidaes autónomes del nuesu país. Les casi 150 representaciones, creaes a partir de diverses disciplines artístiques, como la danza, los títeres y oxetos, la música, el circu o la maxa, ente munches otres, van tener llugar nos distintos escenarios oficiales de la Feria y en delles de les cais y places más emblemátiques de Xixón.
Siete compañíes españoles van amosar mientres FETEN 2014 los sos espectáculos empobinaos a los más pequenos en calidá d'estrenos absolutos. Ye'l casu de la compañía asturiana Factoría Norte que va presentar l'espectáculu de cai 'Llumeru'. Pela so parte, los castellán y lleoneses Teloncillo Teatru, qu'apocayá llograben el Premiu Nacional d'Artes Escéniques pa la Infancia y la Mocedá, recalen en Xixón con una nueva producción de pequenu formatu, 'Niales'; ente que los cántabros La Machina Teatru van ufiertar en primicia 'El neñu corpuspín'. Los valencianos Teatre del Bleu y La Pavana Compañía de Teatre van poner n'escena 'Dong Dong Quixote' y 'L'home invisible', respectivamente. Completen l'apartáu d'estrenos les compañíes de Marina Bollaín (Madrid) y Marie de Jongh (País Vascu) que van llevar a los escenarios de Xixón el musical 'El Duende Calcetu' y el montaxe de títeres y actores 'Kibubu'
La Feria Europea d'Artes Escéniques pa Neños y Neñes de Xixón, FETEN, ta entamada pola Fundación Municipal de Cultura, Educación y Universidá Popular y el Conceyu de Xixón.
Fonte: Asturnews.com
FETEN ye tolos años el referente nacional español nel que participen y esfruten asgaya los colexos de Xixón, les families, y la xente del conceyu. Ye un referente a escala europea y mundial.
ResponderEliminarHai qu'aprovechase d'esta ocasión única que ye FETEN que ye cada añu en Xixón, y saca-y el mayor partíu posible, porque ye un acontecimientu irrepetible nel que la Fundación de Cultura tien una esperiencia profesional llograda al traviés de munchos años de trabayu y esfuerzu y qu'el so oxetivo ye la infancia xixonesa.
ResponderEliminarFETEN ye... ¡fetén!
ResponderEliminarYe'l platu fuerte de la fundación pal que se trabaya tol añu.
ResponderEliminarFeten ye la meyor introducción educativa posible al teatru pa los nenos y neñes que va crear nellos una afición favoratible y placentera al mesmu que va durar tola so vida, tal como asocedió, va unos años tamién en Xixón, colos conciertosde música clásica pa neños y que güey tiene un gran númbero d'aficionaos agora vá adultos. Son llabores educativos de gran y llongura calada.
ResponderEliminarXixón ye tan conocía o más por Feten que pol Festival de Cine, que conste.
ResponderEliminarNesta edición yamién paez que van representase delles obres en llingua asturiana.
ResponderEliminar