31/1/14

Un profesor cuelga videos divertíos con cantares pa neños y neñes en youtube pa enseñar mirandés


 
Emilio Martins, mayestru de mirandés

     Emílio Martins, un maestru de mirandés, ta acabante d'entamar un proyeutu p’averar esti idioma del tueru    asturlleonés a neños y neñes. Ésti lleva’l nome de ‘Mirandês for kids’ y consiste en videos con cantares colgaos en  Youtube.

     La inicitiva, na que'l profesor utiliza un personaxe de nome ‘Eimilho Pica’, ta teniendo una repercusión amplia en    Miranda de l Douro, llegando a sumar más de 3.800 reproducciones en dalgún de los sos videos colgaos en Youtube.  Éstos busquen, al traviés del humor, el teatru y la música, facilitar el deprendimientu de la llingua del llugar a ñeños  y neñes. De momento, hai cuatro episodios de ‘Mirandês for kids’, l’últimu dedicáu a les partes del cuerpu, anque  Martins tien na so cuenta de Youtube otros 14 d’humor, toos en mirandés. Sicasí, los más visitaos son los que  correspuenden a esta serie didáutica, estrenada’l 3 de xineru cola idea de dir sumando un capítulu nuevu cada  selmana.
     Martins trátase d’una persona mui activa na promoción del idioma, yá que tamién ye promotor d’una banda d’agro- rock de nome Picä Tumilho. La llingua mirandesa, hermana de l’asturiana, ye oficial en Miranda de l Douro xunto col  portugués dende l’añu 1999 por decisión de l’Assembleia da República Portuguesa.

   Fonte:  Asturies.com   A la gueta los sueños

4 comentarios:

  1. Un perbón sistema pal enseñu de la llingua mirandesa que ye hermana de l'asturiana.

    ResponderEliminar
  2. Picái "na so cuenta Youtube" en color coloráu escontra la metá del testu y vais ver tolos sos vídeos, ye interesante.

    ResponderEliminar
  3. Tien métodos pedagóxicos bien orixinales pal enseñu del mirandés pa los neños, merez atención.

    ResponderEliminar
  4. Hai enforma qu'aprender d'esti mayestru mirandés, magníficu pedagogu, pola so llabor nel enseñu de les llingües y n'especial del asturiano na so versión del mirandés. A ver si dalgunos y dalgunes "encoteraos" nes altures pedagóxiques vamos espabilando pequí. Norabona a esti profesional.

    ResponderEliminar

Los comentarios tán pendientes de moderación. Espublizaránse lo primero dable.