Esta selmana pasada entamó a distribuyise nos puntos de venta habituales "Pop Piquiñín", el nuevu discu de Petit Pop en llingua asturiana, asoleyáu por Araz Net, la empresa editora d'Asturies.com.
Esti trabayu ye una versión integramente n'asturianu del CD homónimu d'esti
grupu que yá cuntaba con un tema n'asturianu occidental, "Patu Pachu ye un
curíu". Agora, amás del Patu Pachu, los neños y neñes d'Asturies pueden
disfrutar na nuesa llingua de les aventures de la formiga de Coceña,
Panchetina, el Bichu Bola, la neña pirata, la vaca, les abeyes, o los
animalinos de la Viesca ,
cola traducción de David Guardado.
El CD, grabáu nos estudios de Músicas de Sastre, edítase con llicencia Creative Commons y tien 12 temes, 11 yá apaecíen na versión en castellanu del CD y a ellos améstase-yos agora "Jota desesperá" nel que cuenten cola collaboración d'Herbamora. El discu tien una ayuda del Principáu d'Asturies, y na so edición y promoción collabora tamién l'asociación Reciella (families pol asturianu).
Fonte: Asturies.com
Ye una gociada.
ResponderEliminarY tien un módicu preciu de tan solo 11 euros, hai que compralu pa los neños de la casa.
ResponderEliminarYe un perbón regalu pa Reyes pa la xente piquiñina y tamién pa los mayores.
ResponderEliminarSiemprpes alrodiu'l canciu asturianu polos piquiñinos nos colexos y nes cases.
ResponderEliminar