TPA emite dos programes especiales con "Lo meyor de Territoriu Sidreru"

TPA emite esti domingu'l primeru de los dos programes especiales colos que remata la primer temporada de Territoriu Sidreru

Nesti primer capítulu, que va emitise'l domingu a les 15 hores, Inaciu Galán, presentador del programa, guíanos dende'l chigre "El Cuetu" de Xixón, y en compañía del so chigreru, per dellos de los momentos más interesantes y divertíos de la primer temporada del programa. El programa esbilla dalgunos momentos que se vivieron nos primeros programes de la temporada, nos llagares, nos chigres, cola xente sidrero...

Territoriu Sidreru, programa emitíu na televisión pública asturiana, ye un programa dedicáu al mundu de la sidra, nel que se dan a conocer llagares, chigres, eventos sidreros y otres iniciatives alredor del mundu d’esta bébora y la cultura que la arrodia, imprescindible pa entender Asturies. Poro, el programa combina'l llabor d'espardimientu cultural de la cultura sidrera, col entretenimientu.

Fonte: Infoasturies