5/1/14

L'asturianu, patrimoniu nuesu pero tamién universal

- Manuel Vega Rodríguez (Llugones) Una persona mínimamente sollerte y oxetiva cola realidá asturiana queda esmolecía cola negativa de los partíos mayoritarios a facer cualesquier tipu de reforma de entidá política o de identidá cultural. Primero foi la paralización de la reforma del Estatutu Asturianu, agora ye la de la reforma elleutoral. Con esti panorama los que defendemos qu'otra Asturies ye posible y qu'el futuru d'Asturies tovía sigue tando en manes de los asturianos nun nos queda otra que siguir trabayando pa que ante la crisis xeneral qu`afecta a la nuesa vida coleutiva la salida a ella seya con responsabilidá cola memoria histórica, la cultura y los derechos humanos. En too esto, una de las reivindicaciones importantes ye la oficialidá del asturianu, patrimoniu nuesu pero tamién universal. Nun podemos dexar que les fuerces de un falsu calter rexenerador y que nun son más qu'una nueva forma de idioloxía reaccionaria y del enclín aculturante y uniformador sigan n'ascensu. Ye necesario plantegar otra Asturies, onde la oficialidá seya un derechu irrenunciable, la cultura asturiana un bien de toos y toes y les instituciones tean al serviciu de la sociedá. Fonte: La Nueva España

4 comentarios:

  1. Con esta magnífica esposición del momentu sociocultural que nos amuesa perbién l'autor d'esta entrada queden perfectamente esclariaos los problemes a los qu'enfrentamos por cuenta de la ineptitú comenenciudo y empobinao e la "clase" política que nos ¿gobierna? de forma despótica como asocedía va bien de años o meyor de sieglos.
    Tou podría o debería ¿camudar? na próxima cita ante les urnes pero eso depende puramente del calter continuista o renovador de la xente asturiano.

    ResponderEliminar
  2. Más claru agua, más claru imposible.

    ResponderEliminar
  3. Hai qu'espertar les conciencies con escritos como esti, ¡perbién!

    ResponderEliminar
  4. Yerba, ye que a munchos nun yos interesa, tan a gustu riba del machitu y si non a lo meyor nun salen na semeya política.

    ResponderEliminar

Los comentarios tán pendientes de moderación. Espublizaránse lo primero dable.