UN BLOGUE PA FALAR DE LES LLINGÜES MINORIZAES Y ESFRUTAR DE LA LLECTURA ----------------------------------------------- "Nel idioma ta l'árbol xenealóxicu d'una nación" Samuel Johnson------------------------------
21/1/14
Atopa: un nuevu buscador asturianu pa les webs asturianes
Básase en software llibre y ya tién estensión en Chrome y versión pal sistema Android
Un nuevu proyeutu en llingua asturiana vieno acabante d'aportar a la rede nel entamu d'esti 2014 embaxo'l nome d'Atopa y promete enllenar un espaciu que quedara vacíu dende la época d'Ulos, el primer buscador de webs asturianes desendolcáu al tiempu que'l portal Asturies.com a finales de los 90. Atopa ye como un buscador tipu Google, pero sólo de conteníu asturianu y tien ya una estensión pal navegador Chrome, amás de versión pal sistema Android.
Atopa básase en software llibre pa recorrer automáticamente les páxines web y quédase sólo coles que tan n'asturianu o en castellanu que traten conteníu asturianu.
Atopa esforcióse en dar un serviciu cenciellu a les persones que quieren buscar daqué rellacionao con Asturies. Amás los resultaos de les búsquedes nun tan influenciaos,de manera que lo que ves ye lo que'l buscador considera más acertao.
El nuevu buscador acaba de nacer y ta en pruebes, polo que s'anima a aportar webs que puedan ser interesantes nes búsquedes.
Fonte: Asturnews
Suscribirse a:
Enviar comentarios (Atom)
Ye una perbona noticia.
ResponderEliminarYá tenemos preseos asgaya ente les ferramientes d'Internet. Ágora ye'l momentu del so emplegu polos usuarios asturfalantes.
ResponderEliminarUn pasu alantre siempres ye bono pa toos.
ResponderEliminarHai qu'animar a la xente al so usu de manera habitual y normal.
ResponderEliminar