L'ALLA falla los concursos d'investigación de recoyida de material toponímicu oral y de teatru

L’ALLA falla los concursos d'investigación de recoyida de material toponímicu oral y de teatru. Por Pablo R. Guardado. L'ALLA dio a conocer a los ganadores de los concursos de recoyida de material toponímico oral y teatru. Antonio Alonso de la Torre y Francisca Iglesias Álvarez llevóse’l primeru, mentes que'l candasín Xurde Fernández algamó’l segundu. El xuráu de Concursu d’Investigación de Recoyida de Material Toponímico Oral de l'Academia de la Llingua Asturiana (ALLA), compuestu por Ana María Cano como presidenta, Xosé Lluis García Arias como vocal y Alfonso Martín Caso como secretariu, decántose pol trabayu ‘Toponimia de la parroquia de Proaza .Conceyu de Proaza’, d’Antonio Alonso de la Torre y Francisca Iglesias Álvarez, como’l meyor de los presentaos. Sicasí, tamién decidieron dar un áccesit al estudiu ‘Toponimia de la parroquia de L’Arteosa (Piloña)’, d’Aurina González Nieda y Jerónimo González Cueto, y dos segundos áccesits a ‘Toponimia de de les parroquies de Riañu (Llangréu)’, de Xabiel Fernández García, y ‘La parroquia casina de Caliao. Material toponímico de la totalidá d’esta collación’, de Xulio Llaneza Fernández. Mentes, la obra ‘Pa L’Habana’, del escritor candasín Xurde Fernández Fernández, llevóse’l premiu del Concursu de Teatru. El xuráu encargáu de fallar esti gallardón tuvo compuestu por Miguel Ramos Corrada como presidente, Xosé Ramón Iglesias Cueva como vocal y Adolfo Camilo Díaz como secretariu. Fonte: Asturies.com