‘Endangered languages’ ye’l nome del proyeutu que ta acabante d’entamar Google pa salvar idiomes en pelligru de desaniciu. Nel llistáu de 3.054 llingües ta incluyíu l’asturianu y el mirandés, amás del aragonés y el catalán de signos.
Según esplicó nel so blogue oficial el guetador, la idea ye "crear una plataforma onde se pueda alcontrar y compartir la información más completa y recién sobre los idiomes en peligru". Na páxina del proyeutu hai colgaos vídeos con falantes nativos, tanto del aragonés como del asturianu, asina como información adicional arrexuntada de delles fontes sobre dambos llinguaxes. Google alvierte de que nesti momentu l'aragonés fálenlu menos de 10.000 persones y, anque tovía hai adultos que lu usen, "pocos neños lu daprenden nel país". Menos riesgos de desapaecer cuerre l'asturianu según el xigante estauxunidense, que cifra nun escasu 100.000 el númberu total de falantes nativos. Sicasí, destaca l’apoyu de la sociedá asturiana al idioma, que se siente arguyosa d'utilizalu.
L’oxetivu ambiciosu del proyeutu ye "caltener y promover la cultura al traviés d'Internet" per mediu de la puesta en práutica de "un espaciu collaborativu onde cualquiera va poder aportar les sos conocencies sobre les distintes llingües", y llograr asina "honrar les conocencies de los nuesos mayores y arriquecer el futuru de los mozos". Un grupu diversu de collaboradores yá entamó a aportar conteníu que toma dende manuscritos del sieglu XVIII a ferramientes modernes pa la enseñanza d'idiomes como vídeos, muestres d'idiomes n'audiu y artículos pa compartir conocimientos. Los miembros del Comité Asesor tamién aportaron directrices p'ayudar a entamar la plataforma y satisfacer los intereses y necesidaes de les comunidaes llingüístiques.
Fonte: Asturies.com
Enteraos.
ResponderEliminarPaezme mui interesante la iniciativa, pero paezme que los asturianos tenemos que tirar mas pola nuesa llingua pa que nun desapeza porque ye un xera de toos y esixir al gobiernu asturianu que seya oficial, sinon nun vamos salvala del peligru
ResponderEliminarEntá tamos a tiempu de llograr la oficialidá de la llingua asturiana. Pero esti gobiernu sigue refugándola cola intransixencia que-y da sofitase na desigualdá llingüística que carez esti país.
ResponderEliminarMiau miau miau, oficialidáu!
ResponderEliminarNadie fai nada pola llingua, naide mueve'l culu na cai nin nenyures, solo nos papeles, nos foros académicos elegantes y nos escaparates teatreros.
ResponderEliminarAsina ye imposible.
Y a too esto... ¿ónde s'escuende l?ALLA? ¿hay que buscala tres los cristales del so palaciu etéreo-elitista-académicu nel so parnasu asturianu?
ResponderEliminarAnte'l peligru d'estinción de la llingua asturiana ¿porqué nun s'implica más a nivel ciudadanu na cai?
Ye que'l status de l'ALLA ye de auténticu privilexiu, de luxu, d'altu standing, y pue ser que tengan mieu a perder les sos buenes prerrogatives económiques y polítiques? a vegaes dúldase que lo esencial y prioritariu pa l'ALLA sía la supervivencia de la llingua y la so oficialidá, ¿nun quier implicase más?, ¿nun quier?, ...o ¿o ye incapaz de faelo?
ResponderEliminarA esti que critica con tantos nomes el llabor inxente de l'ALLA, dicí-y qu'ensin l'Academia l'asturianu yá taría desaniciáu de siguir el camín que llevaba nos años sesenta.
ResponderEliminarBueno, pero tamién ye verdá que cola so política torció les bones espectatives qu'hubo pa la llingua nos años 80. Nun foi l'únicu culpable, ta claro, pero sí ún d'ellos.
ResponderEliminarSiempres dixo lo del innomable, esto ye que lo suyu nun ye yera nin ye la política, que nun hai que metese en política.
ResponderEliminarAmiguinos y amiguinas de l'alma equivocáisvos de mediu a mediu porque l'ALLA nun ta ende pa eso, nin pa engarrase na cai, nin contra los políticos de vez, ta pa desenvolver los asuntos intelectuales de la llingua, ta a otru altor bien distintu.
ResponderEliminarTa a muncho altor, demasiao pal común de los asturianos qu'esperan otra cosa, que pasen de filosofíes y qu'esperen mucho más acercamientu a los sos problemes cotidianos cola lengua y la oficialidá.
ResponderEliminarEn una situació normal, l'ALLA hauria de ser una acadèmia normal.
ResponderEliminarEn la situació excepcional que es troba l'asturià, no crec que es pugui dir "l'ALLA s'ha de dedicar només a temes intel·lectuals". Bàsicament perquè no hi ha gran cosa més.
Penseu que en la situació de, comparativament, privilegi que tenim els catalans, l'IEC fa funcions d'acadèmia però perquè hi ha Òmnium Cultural, i d'altres organitzacions, que defensen el català i convoquen les movilitzacions o campanyes. No sé si a Asturies us podeu permetre el luxe d'apartar l'ALLA del carrer i les movilitzacions.
És un dubte. No afirmo res.
Pos se ta quedando bien sola, la xente nun entiende enforma que se queda a un llau del grave problema y que namás entienda de cursos, escritures y premios. La gran cantidá d'asturianos y asturianes de les aldegues, los pueblos y les ciudaes que nun somos precisamente elitistes nin llicenciaos en lliteratura pero que queremos la oficialidá darréu ¿qué cosiquina representamos o ónde quedamos pa l'ALLA?
ResponderEliminarRempuesta: ...?
ResponderEliminarNun hay respuestes nesti apartáu, desconócense.
ResponderEliminarL'ALLA ta nel so mundu del intelectu o casi que ta perbién, pero non na cai coles xentes asturianes de a pies.
ResponderEliminar