La Tertulia Cultural El Garrapiellu organiza un añu más la Marcha de Xixón a Cuadonga, nesta ocasión los díes 13, 14 y 15 de xunetu. El preciu por persona ye de 83 euros pa los socios del Garrapiellu, y de 88 euros pal restu de la xente. Esti preciu inclúi cena, agospiu y almuerzu dos díes –en Sietes y en Llames de Parres-, y l’autocar de vuelta de Cuadonga a Xixón. Esta hestórica sienda vien faciéndose n’Asturies dende va sieglos. El Garrapiellu recuperóla y señalizola va cuasi venti años y anguaño vive un momentu de gran popularidá.
La reserva de places fadráse per aciu l’ingresu de la cantidá oportuna na cuenta 3007 0100 11 1131883827, de la Caxa Rural de Xixón, col 9 de xunetu como últimu día. Nel ingresu ha figurar el nome de la persona, y un númberu de teléfonu pal contactu. El xustificante del ingresu ha presentase nel momentu de la salida de la marcha, que será a les 8,30 del vienres 13 dende’l Güeyu Deva.
Esti añu contaráse tamién col serviciu d’un coche d’apoyu. Ésta ye una iniciativa personal y desinteresada d’un miembru d’El Garrapiellu, y la so función ye la evacuación de les persones que tuvieren menester d’ello, por lesión, enfermedá, etc. Poro, el coche d’apoyu nun tresportará más equipaxe que'l de les persones que tengan de ser evacuaes. Pa más información puede llamase al teléfonu 629 059 363.
Fonte: Asturnews
Perbona ocasión pa facer la marcha en tres xornaes col Garrapiellu.
ResponderEliminarBon alcuerdu de la ruta y El Garrapiellu. Aconseyable facela.
ResponderEliminarCon un mínimu d'entrenamientu faise bien en tres etapes y hai qu'animase porque amás hai coche escoba que ye toa una garantía de llegar a la fin.
ResponderEliminar