21/6/12

Conferencia de Roberto González-Quevedo sobre la cultura asturiana y l'antropoloxía d'Asturies




L’Atenéu Xovellanos de Xixón acueye la conferencia del antropólogu Roberto González-Quevedo “La cultura asturiana. Introducción a l’antropoloxía d’Asturies”, que va tener llugar a les 19:30 hores na sede d’esta institución xixonesa, na vieya Escuela Comerciu, asitiada na cai Francisco Tomás y Valiente. Na conferencia va presentase’l llibru del mesmu títulu asoleyáu por CH Editorial. L’actu preséntalu Xosé Nel Riesgo, director de la Fundación Municipal de Cultura de Xixón.

L’autor lleonés Roberto González-Quevedo (Palacios de Sil, Lleón, 1953) ye quiciabes la figura más visible na recuperación de la llingua asturiana al sur del Cordal. Escritor, filósofu, antropólogu y llingüísta, lleva al llombu una llarga carrera, trabayando dende los años ochenta pol usu de la variedá occidental del asturianu. Ye miembru de númberu de l'Academia de la Llingua Asturiana ocupando anguaño'l cargu de secretariu, y director de la revista Cultures, amás de profesor universitariu

Fonte: Asturnews

7 comentarios:

  1. Seguru que va apurrir munchos datos científicos sobre la tema, prometi ser bien interesante y hai qu'asistir cuidao que ye una gran oportunidá d'escuchar a esti magníficu profesor.

    ResponderEliminar
  2. Joder, tais tol día dándo-y al botafumeiru ¿eh?

    ResponderEliminar
  3. Ye que tamién tenemos variedades lloingüístiques como l'asturgallego y l'asturianu del sur del Cordal.

    ResponderEliminar
  4. Ah, mui bien. Póngame cuartu y mitá.

    ResponderEliminar
  5. Estaria bé que aquestes conferències i xerrades es gravessin en vídeo i es publiquessin a Internet per a tots els que no tenim oportunitat d'escoltar-les físicament.

    ResponderEliminar
  6. D'alcuerdu totalmente con David Gimeno, paezme una opinión bien atinada porque somos munchos los que nun podemos asistir a munches conferencies, entá morando n'Asturies, por motivos de trabayu, de distancia, etc.

    ResponderEliminar
  7. Si que ye una excelente idega y queda en el aire.

    ResponderEliminar

Los comentarios tán pendientes de moderación. Espublizaránse lo primero dable.