24/2/16

L'usu del asturianu na Xunta Xeneral pasa pola reforma del reglamentu


La falta d'oficialidá impide la comunicación n'asturianu por parte de l'Alministración.
L'informe del Lletráu Mayor de la Xunta Xeneral nun trai nada que nun se sepa. L'asturianu pue usase na Xunta Xeneral, pero la normativa impide que l'Alministración pueda comunicase na llingua del país. La falta de la oficialidá y que'l reglamentu de la Cámara nun ye lo suficientemente precisu nel asuntu de la llingua asturiana fai que'l so usu nun sía posible.
La solución pasaría pola declaración de la oficialidá o por una modificación del reglamentu. Lo primero ye dalgo que la FSA-PSOE nin se plantega, mentes que los socialistes abren les puertes a lo segundu siempre que'l cambiu nun sía esclusivamente pa la cuestión llingüística, según confirmó ayeri Fernando Lastra. Izquierda Xunida considera, mentes, qu'hai víes llegales pa usar l'asturianu ensin necesidá de camudar la normativa, como podría ser una resolución del presidente de la Xunta Xeneral.
 Fonte: asturies.com


1 comentario:

  1. L'asturianu usóse munches vegaes ns Xunta Xeneral, magar que pa díes simbólicos. Agora trátase de recuperar el billingüismu institucional a tolos efeutos, valtando la represión llingüística que carez dende la imposición del castellán como única llingua oficial del Parllamentu entamada va una selmana pol PP, col sofitu de PSOE, C's y Foro. Esti caberu escaeció'l so encontu a la oficialidá nes caberes eleiciones nacionales.

    ResponderEliminar

Los comentarios tán pendientes de moderación. Espublizaránse lo primero dable.