El Conseyu Rector de la Fundación Municipal de Cultura dio esta selmana lluz verde al proyeutu presupuestariu de la entidá pa 2016, que xube a 10.899.000 euros y prevé 44 mil euros pala promoción de la llingua asturiana
Según esplicó Sánchez Ramos na rueda de prensa, nesti proyeutu presupuestariu apautase una partida de 44 mil euros pa potenciar l’asturianu. Concretamente van destinase 24 mil euros a un alcuerdu cola Academia de la Llingua “pa poner a puntu la web, folletos y actividaes” y otros 20 mil pa promoción del asturianu.
La decisión apautóse colos votos a favor de los representantes de Somos, PSOE ya IX, el votu en contra del PP y l’astención de Ciudadanos y Roberto Sánchez Ramos destacaba darréu la partida de 95 mil euros destinada a la “llibre concurrencia de les subvenciones” y les inversiones nos teatros Campoamor y Filarmónica.
El presidente de la Fundación y conceyala de Cultura, Roberto Sánchez Ramos, destacó nuna rueda de prensa, na que tamién participaron los conceyales Diego Valiño (PSOE) ya Isabel González (Somos), qu’estes cuentes presenten importantes novedaes con al respective de exercicios anteriores: especial importancia dio a la partida de 95 mil euro destinada a “la llibre concurrencia competitiva en tou tipu de subvenciones, tal que pidía nel so informe la Sindicatura de Cuentes” y al capítulu d’inversiones que “apaez per primer vegada en diez años” y que va tener como destín dos equipamientos estratéxicos de la ciudá como son el Teatru Filarmónica y el Campoamor.
En materia programación, el conceyal de Cultura resaltó l’apueste pol teatru, con un presupuestu que “va aumentar un 150%”, les esposiciones artístiques y sobremanera, la descentralización de les actividaes culturales, que como esta fin de selmana, cola retresmisión de la ópera ‘La Bohème’ n’institutos y centros sociales, va averar la cultura a los barrios d’Uviéu.
El conceyal dio cuenta tamién de los alcuerdos algamaos na Xunta de Gobiernu de la Sociedá Uvieína de Festexos ente los que destacó l’aprobación de la novena edición del programa Folclore na Cai. Con un presupuestu de 122.200 euros nesta edición va haber más de 70 actuaciones de grupos de baille y bandes de gaites. El conceyal de Cultura destacó que, como novedá, el programa non yá va esfrutase nel centru de la ciudá, sinón que va haber actuaciones “en places y barrios d’Uviéu”.
Fonte: Asturnews
Un 0,4% del pressupost de Cultura per a la promoció de la llengua pròpia. Amb això està tot dit.
ResponderEliminar