24/2/16

Xulgáu un activista de la llingua bretona por una aición nel Festival Interceltique de Lorient

El militante del coleutivu de defensa del bretón Ai'ta! tuvo qu'acudir el martes al tribunal correicional de Gwened.
L'aición tuvo llugar na edición última del Festival Interceltique de Lorient, cuando un grupu d'activistes d'Ai'ta!, coleutivu cívicu que trabaya na defensa de la llingua bretona, acudió al stand de la Université de Bretagne-Sud pa protestar pola retirada de la opción 'Bretón y civilización celta' de la institución y pol peligru que cuerre tamién la de 'Llingua bretona'. L'actu simbólicu consistió nel tresporte d'unos paneles de la universidá asitiada en Gwened hasta An Oriant, el despliegue d'una pancarta y la colocación de delles pegatines.
Ún de los militantes bretones enfréntase agora a l'acusación de robu de dichos paneles pa celebrar esta aición reivindicativa que, como se pue comprobar nel videu incluyíu al final de la noticia, foi pacífica dafechu.
Fonte: asturies.com

No hay comentarios:

Publicar un comentario

Los comentarios tán pendientes de moderación. Espublizaránse lo primero dable.