El llavaderu de Los Caños, nel barriu de Triana de l'Infiesto, ye consideráu un de los más grandes y más vieyos de la rexón
La Fundación Belenos vieno acabante d’asoleyar “Los llavaderos del Conceyu Piloña”, un llibru que fai’l númberu 9 de la so coleición Cartafueyos de Belenos y del que ye autor l’etnógrafu piloñés Daniel Cueli Canto (Coya, 1978).
Cueli ye precisamente miembru de la Fundación Belenos y del Conseyu Editorial de la so revista Asturies, memoria encesa d’un país, y el so llibru ye’l resultáu d’un trabayu de trés años que lu llevó, ente otres coses, a censar tolos llavaderos d’esti conceyu del centru-oriente d’Asturies.
Portada del llibru
La obra, de 72 páxines ya ilustrada con 84 semeyes a color, divídese en cuatro partes: un Entamu, nel que s’espliquen les razones que llevaron a iguala; unes Notes, nes que se traten estensamente delles cuestiones al rodiu los llavaderos de Piloña (cronoloxía, tipoloxía, elementos arreyaos…); darréu apúrrese’l Censu de los llavaderos públicos esistentes nel conceyu y, por último, apaecen dellos Apéndices empobinaos a tratar dalgunes cuestiones d’una forma más específica.
La coordinación editorial, el diseñu y la maquetación corrieren a cargu d’Ástur Paredes, tamién etnógrafu y miembru de la Fundación Belenos.
La presentación pública del llibru va tener llugar en L’Infiestu, nel marcu del llavaderu públicu de Los Caños, allugáu nel barriu de Triana de la capital piloñesa, el sábadu 19 de setiembre de magar les 12’30 hores. Dempués el llibru podrá mercase, a un preciu de 15 €, nes llibreríes Rima y Jambrina (L’Infiestu), La Escolar (Nava), Cervantes y Ojanguren (Uviéu) y Paradiso (Xixón).
Fonte: asturnews.com
Fonte: asturnews.com
El piloñés Daniel Cueli realiza una investigación etnográfica con lavaderos de la comarca de la Sidra, Piloña y Siero. Un estudio revela la importancia del lavadero de Los Caños de Infiesto. El conjunto fue renovado por el Ayuntamiento de Piloña en el año 2006.
ResponderEliminarBelenos pa Premiu Princesa d'Asturies d'Investigación.
ResponderEliminarLa Fundación Belenos ye'l númberu unu n'Asturies faciendo, investigando y trabayando pola llingua y la cultura asturiana ensin discutiniu posible y merezse una reconocencia oficial bien sonada.
ResponderEliminar