30/9/15

Un filme n'eusquera va aspirar a tar nomináu a los premios Oscar


'Loreak' resultó escoyida pola Academia de Cine como representante del Estáu nel gallardón a la Meyor Película de Fala non Inglesa.
Dirixida nel 2014 por Jon Garaño y Jose Mari Goneaga, trátase d'un drama qu'afonda na soledá y la incomunicación. Narra dos histories sobre trés muyeres que ven la so vida alterada pol recibimientu de flores d'un desconocíu, d'ehí'l títulu 'Loreak', flores n'asturianu. Tres ser la primer película en llingua vasca en participar na seición oficial del Donostia Zinemaldia agora conviértese na primera n'aspirar a tar nominada pal Oscar a la Meyor Película de Fala Inglesa, pa lo que va tener que competir con filmes mui arriesgaos.
Enantes de 'Loreak', yá una película rodada nuna llingua peninsular diferente al castellanu foi escoyida polos académicos de l'Academia de Cine pa representar al Estáu nos Oscar. Foi la catalana 'Pa negre' nel añu 2011. Finalmente nun resultó nominada nuna edición na que se llevó la popular estatua la cinta austriaca 'Amour'.
Los otros candidatos a representar al Estáu nel Oscar a la Meyor Película de Fala non Inglesa yeren 'Felices 140', de Gracia Querejeta, y 'Magical girl', de Carlos Vermut.
Fonte: Asturies.com

6 comentarios:

  1. Nes prósimes ediciones, falten una en gallegu y otra n'asturianu ;)

    ResponderEliminar
  2. N'asturianu ye bien necesariu y hai munches posibilidaes de faelo perbién.

    ResponderEliminar
  3. Euskal Herrian pelikula ona da, hemen da proba.

    ResponderEliminar
  4. Y n'asturianu, pa cuándo?

    ResponderEliminar
  5. Fai unos cuantos años yá que los aficionaos al cine ta prestandonos les películes vasques, que na mayoría de los casos tienen una temática y una ambientación n'Euskadi.
    Los críticos y los meyores festivales tán mentando y dando premios a estes películes dende fai abondo tiempu.
    ¿Cuanto tiempu tenemos mas qu'esperar pa que faigan una política real y seria nesti asuntu en Asturies?.

    ResponderEliminar

Los comentarios tán pendientes de moderación. Espublizaránse lo primero dable.