9/9/15

La llingua protagonizó’l Día d’Asturies en Twitter

La llingua protagonizó’l Día d’Asturies en Twitter

Más de 700 mil persones lleeron los 1500 tuits que xeneró en total la campaña #AsturiesNasturianu que desenvolvió Iniciativa pel Asturianu coincidiendo col Día d’Asturies.
La campaña propuesta por Iniciativa pol Asturianu p’animar a la xente a usar l’asturianu nel Día d’Asturies y asina quitar prexuicios pa siguir faciéndolo’l restu l’añu y da-y presencia digna al idioma nun día nel que’l Gobiernu d’Asturies tamién-y la niega, xeneró más de 1.500 tuits cola etiqueta o hashtag #AsturiesNasturianu a lo llargo de tola xornada, lo que fizo que más de 700.000 persones vieren tuits escritos n’asturianu.
La organización Iniciativa pol Asturianu amosó’l so contentu pol resultáu d’esta campaña viral que consiguió convertise nuna de les más actives a lo llargo del Día d’Asturies con un total de más de 2.477.000 impautos.
Fonte: Asturnews

1 comentario:

  1. Nos congratulamos pol ésitu llográu, adulces faise'l camín escontra la oficialidá anque munches vegaes paézanos daqué lentu.

    ResponderEliminar

Los comentarios tán pendientes de moderación. Espublizaránse lo primero dable.